Dihlatse tša Jehofa tše 16 di sekišwa la bobedi Taganrog nageng ya Russia, e lego tsheko yeo e swerego kgwedi ya bohlano mola e thomago ka February 2015. Dihlatse tša Jehofa di lebane le go lefišwa difaene tše boima gaešita le go ya kgolegong ka baka la tumelo ya tšona.

Tsheko ya tšona e thomile ka di-13 May 2013, ka morago ga go pharwa ka molato wa bosenyi wa gore mediro ya bodumedi bja Dihlatse e bontšha go fišegela bodumedi ka mo go fošagetšego. Kgoro e ile ya faena Dihlatse tše šupa le go nea tše nne tša tšona kotlo ya mengwaga e metelele kgolegong, eupša moahlodi o ile a phumola dikotlo tšeo. Ka di-12 December 2014, kgoro ya tsheko ya boipiletšo e ile ya laela gore molato woo o sekwe lefsa ka kgopelo ya motšhotšhisi. Dihlatse tša Jehofa di letetše go kwa kahlolo e mpsha mafelelong a kgwedi ya June.