Mantšiboa a Labobedi la di-6 tša February go ile gwa ba le tšhišinyego ya lefase lebopong la ka bohlabela la Taiwan. Dipego tša ditaba di re batho ba 6 ba hlokofetše gomme ba fetago ba 250 ba gobetše. Go oketša moo, batho ba e ka bago ba 76 ba timetše.

Ga go na Hlatse ya Jehofa yeo e gobetšego goba yeo e hlokofetšego nakong ya tšhišinyego yeo. Lega go le bjalo, moago wo o nago le ofisi ya bofetoledi ya leleme la Seamis (Seamis ke leleme leo le bolelwago Taiwan) le Holo ya Mmušo woo o lego toropong ya Hualien o ile wa senyega ka baka la tšhišinyego e kgolo yeo e diregilego moo. Go oketša moo, lefelong leo go bego go dula bafetoledi ba bangwe le ile la senyega kudu moo e lego gore ba ile ba swanelwa ke gore ba tloge. Bana babo rena ba lefelong leo ba ile ba dira dithulaganyo tša gore go thušwe batho bao ba amilwego ke tšhišinyego yeo. Ofisi ya lekala ya Taiwan le yona e ile ya ba thuša ka dilo tše dingwe tše bohlokwa.

Re rapelela bana babo rena le dikgaetšedi gore ba se tshwenyege kudu dinakong tše tša mathata. Le gore bana babo rena bao ba neilwego tokelo ya go ba hlokomela ba ‘swane le lefelo la go tšhabela phefo.’—Jesaya 32:2.

Ba Ditaba:

Bakeng sa Dinaga tše Dingwe: David A. Semonian, Ofisi ya Ditaba tša Setšhaba, +1-845-524-3000

Taiwan: Chen Yongdian, +886-3-477-7999