NEW YORK—Dihlatse tša Jehofa di tla thoma ka kopano ya tšona ya pele ya Selete ya “Ekiša Jesu!” nageng ya United States mesong ya Labohlano, May 22, 2015. Ditiragalo tše tša mahala di tla swarwa mafelobekeng mafelong a 11, go akaretša lefelo la histori la Stanley Theater yeo e lego Jersey City, New Jersey (seswantšho sa ka godimo). Dihlatse di letetše gore go tle batho ba ka godimo ga 41 000 letšatši le lengwe le le lengwe mafelong ao a 11 a kopano.

J. R. Brown, e lego mmoleledi wa Dihlatse tša Jehofa ntlongkgolo ya tšona Brooklyn, New York, o boletše gore: “Bohle bao ba amogetšego taletšo ya go tla kopano ya selete ba tla amogelwa ka borutho, gomme re dumela gore ba tla thaba ge ba tšere nako ya bona go tlo ba le rena. Dikopano tše tša Selete tša ‘Ekiša Jesu!’ tša matšatši a mararo di tla ba mabapi le dithuto tše matla tša Jesu tšeo di ka thušago batho ba mengwaga ka moka le ba maemo a fapafapanego.”

Dihlatse tša Jehofa di tla swara Dikopano tša Selete tša “Ekiša Jesu!” tše 5 000 dinageng tše 92 go tloga ga bjale go fihla ka January 2016. Lenaneo leo le rulagantšwego ke Sehlopha se Bušago sa Dihlatse tša Jehofa, le tla swarwa ka maleme a 347 go akaretša le a 55 a polelo ya diatla.

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000