Ka March 22, 2014 go ela ga leraga go ile gwa bipa magae kua Snohomish County, Washington, USA. Bahlankedi ba mmušo ba lefelong leo ba begile gore batho ba ka bago 90 ba sa timeletše gomme batho ba 17 ba hlokofetše. Ofisi ya lekala ya Dihlatse tša Jehofa ya kua United States e begile gore gare ga bao ba timeletšego go akaretšwa mosadi o tee wa Hlatse. Banyalani ba bangwe ba Dihlatse ba lobile morwedi gotee le setlogotlogolwana sa bona kotsing yeo. Dihlatse tše pedi di ile tša swanelwa go hudušwa magaeng a tšona; legae la Hlatse e nngwe le ile la senywa o šoro. Bagolo ba lefelong leo ba Dihlatse ba tšwela pele go homotša le go thekga bao ba kgomilwego ke kotsi ye ya tlhago.

Ba Ditaba:

Bakeng sa Ditšhabatšhaba: J. R. Brown, Ofisi ya Boditšhabatšhaba, mogala +1 718 560 5000