Sathane ke sebopiwa sa moya seo se sa bonagalego. Seo se ra gore ga a na mmele wa nama go swana le rena.—Baefeso 6:11, 12.

 Batho ba bantši ba go terowa, ba terowa Sathane a le bjalo ka motho yo e kego ke pudi yoo a nago le dinaka, mosela e bile a swere foroko. Batho ba bangwe ba re diswantšho tše di bontšhago Sathane a terowilwe, di terowilwe ke batho bao ba kilego ba phela mengwaga e fetago e 1 000 e fetilego. Le gona go thwe ba di terowile ka gobane ba be ba theetša dinonwane tša mehleng ya kgale.

•  Beibele e hlalosa Sathane bjang?

•  Mangwalo a Beibele ao a hlalosago gore Sathane o bjang

 Beibele e hlalosa Sathane ka ditsela tša go fapafapana. Se se re thuša go kwešiša gore o bjang, le gore ke wa mohuta mang. Ditsela tše dingwe tšeo a hlaloswago ka tšona ke tše di latelago:

•   Morongwa wa seetša. O dira e ka o direla batho dilo tše dibotse, mola a leka go ba gokeletša gore ba phele ka go dumelelana le dithuto tša gagwe go e na le gore ba kwe Modimo.—2 Bakorinthe 11:14.

•   Tau e rorago. O hlasela barapedi ba Modimo a galefile.—1 Petro 5:8.

•   Drakone e kgolo. O na le matla, o tšhošetša batho e bile o baka mpherefere.—Kutollo 12:9.