Na Boporofeta bja Mabapi le Mesia bo Bontšha Gore Jesu e be e le Yena Mesia?
Karabo ya Beibele
Ee. Ge Jesu a be a le mo lefaseng o ile a phethagatša boporofeta bjo bontši bjoo bo bontšhago gore ‘Moetapele yo a bitšwago Mesia,’ ke yena e tlago go ba “Mophološi wa lefase.” (Daniele 9:25;1 Johane 4:14) Le ka morago ga lehu la gagwe, Jesu o ile a tšwela pele a phethagatša boporofeta bjoo bo bolelago ka Mesia.—Psalme 110:1;Ditiro 2:34-36.
Leina “Mesia” le bolela eng?
Lentšu la Seheberu e lego Ma·shiʹach (Mesia) le lentšu la Segerika e lego Khri·stos (Kriste) a ra gore “Motlotšwa.” Se se bolela gore “Jesu Kriste” e ra gore “Jesu yoo a Tloditšwego,” goba “Jesu yoo e lego Mesia.”
Nakong ya ge Beibele e be e ngwalwa, ge motho a be a kgethwa gore a be maemong a kgethegilego a bolaodi, gantši o be a tlotšwa ka gore a tšhelwe makhura hlogong. (Lefitiko 8:12; 1 Samuele 16:13) Modimo o ile a fa Jesu maemo a kgethegilego a bolaodi ka gore a mo kgethe gore e be Mesia. (Ditiro 2:36) Eupša, ga se a mo tlotša ka makhura hlogong, go e na le moo, o ile a mo tlotša ka moya o mokgethwa.—Mateo 3:16.
Na go a kgonega gore batho ba bantši ba phethagatše boporofeta bja mabapi le Mesia?
Aowa. Go no swana le ge motho yo mongwe le yo mongwe a na le di-fingerprint tšeo e lego tša gagwe a le noši, diporofeto tša ka Beibeleng le tšona di bolela ka Mesia goba Kriste yo mo tee feela. Lega go le bjalo, Beibele e re lemoša gore go tlo ba le “bo-Kriste ba maaka le baporofeta ba maaka gomme ba tla dira dipontšho tše dikgolo le matete, e le gore ge e ba go kgonega, ba timetše le bona bakgethwa.”—Mateo 24:24.
Na go a kgonega gore Mesia a boe gape?
Aowa. Beibele e boletše e sa le pele gore Mesia e be e tla ba setlogolo sa Dafida yoo e bego e le Kgoši ya Isiraele. (Psalme 89:3, 4) Lega go le bjalo, dipego tša lešika la Dafida di ile tša timelela nakong ya ge Baroma ba be ba hlasela Jerusalema ngwageng wa 70 C.E. a Ga e sa le go tloga ka nako yeo, ga go motho yoo a ilego a ntšha bohlatse bja gore o tšwa lešikeng la Dafida. Nakong ya ge Jesu a be a le mo lefaseng, dipego tšeo di be di sa le gona. Le gona manaba a gagwe a ile a palelwa ke go mo ganetša ge a be a bolela gore o tšwa lešikeng la Dafida.—Mateo 22:41-46.
Ke diporofeto tše kae tša mabapi le Mesia tšeo go bolelwago ka tšona ka Beibeleng?
IGa go yo a tsebago gore ke diporofeto tše kae. Ka mohlala, mekgwa ya go balela diporofeto ga e swane, gaešita le ge e le diporofeto tšeo di bolelago ka Mesia feela. Lengwalo la Jesaya 53:2-7 le bolela ka diporofeto tše mmalwa tša mabapi le Mesia. Eupša batho ba bangwe ba ka bona e ka lengwalo le le bolela ka porofeto e tee feela, mola ba bangwe ba ka bona e ka lengwalong le le bolela ka diporofeto tša go fapafapana.
Boporofeta bja mabapi le Mesia bjoo Jesu a bo phethagaditšego
Boporofeta |
Bo hwetšagala go |
Bo phethagala go |
|---|---|---|
Ke setlogolo sa Aborahama |
||
Ke setlogolo sa morwa wa Aborahama e lego Isaka |
||
O tšwa setšhabeng sa Isiraele, molokong wa Juda |
||
O tšwa ka bogošing, lešikeng la Kgoši Dafida |
||
O belegwe ke kgarebe |
||
O belegetšwe Betlelehema |
||
O be a bitšwa Imanuele b |
||
O be a ikokobeditše |
||
Ka morago ga gore a belegwe, masea a ile a bolawa |
||
O ile a bitšwa Egipita |
||
O be a bitšwa Monatsaretha c |
||
Pele Modimo a ka roma Jesu mo lefaseng, o thomile ka go roma motseta |
||
O tloditšwe gore e be Mesia ka ngwaga wa 29 C.E. d |
||
Modimo o ile a bolela gore Jesu ke morwa wa gagwe |
||
O be a fišegela ntlo ya Modimo |
||
O be a botša batho ditaba tše dibotse |
||
O ile a dira gore batho ba Galilea ba bone seetša se segola ka gore a ba botše ditaba tše dibotse |
||
O ile a dira mehlolo go swana le Moshe |
||
O be a bolela mantšu ao a tšwago go Modimo go no swana le Moshe |
||
O ile a fodiša batho ba bantši |
||
O be a sa nyake go retwa |
||
O be a kwela bohloko batho bao ba tlaišegago |
||
O ile a bontšha gore Modimo o na le toka |
||
E be e le Moeletši yo a Makatšago |
||
O tsebaditše leina la Jehofa |
||
Ge a ruta o be a diriša diswantšho |
||
O be a bontšha gore ke yena Moetapele |
||
Batho ba bantši ga sa nka ba dumela go yena |
||
E be e le leswika leo le kgopišago batho |
||
Batho ba ile ba mo gana |
||
O be a hloilwe ntle le lebaka |
||
O ile a tsena Jerusalema a nametše tonki |
||
O ile a tumišwa ke bana |
||
O ile a tla ka leina la Jehofa |
||
O ile a ekwa ke mogwera wa gagwe yoo a bego a mo tshepa |
||
O ile a rekišwa ka disilifera tše 30 e |
||
Bagwera ba gagwe ba ile ba mo tlogela |
||
Dihlatse tša maaka di ile tša nea bohlatse bja maaka ka yena |
||
O ile a homola ge a be a latofatšwa |
||
O ile a tshwelwa ka mare |
||
O ile a itiwa hlogong |
||
O ile a bethwa |
||
Ga se a itefeletša ge a be a bethwa |
||
Baetapele ba mmušo ba ile ba loga maano a gore ba mmolaye |
||
O ile a kokotelwa diatla le maoto koteng |
||
Batho ba ile ba petšha go bona gore ke mang a tlago go hwetša diaparo tša gagwe |
||
O ile a balwa le badira dibe |
||
Batho ba ile ba dira metlae ka yena le go mo roga |
||
O ile a tlaišwa ka baka la badiradibe |
||
Go be go bonagala e ka Modimo o mo tlogetše |
||
O ile a nwešwa beine yeo e tswakilwego le sa bohloko |
||
O ile a nyorwa pele a ehwa |
||
O ile a gafela moya wa gagwe go Modimo |
||
O ile a hwa |
||
O ile a hwela batho gore ba se sa ba le dibe |
||
Marapo a gagwe a ile a se robje |
||
O ile a hlabja |
||
O ile a bolokwa le bahumi |
||
O ile a tsošwa bahung |
||
Legatong la moeki wa gagwe go ile gwa kgethwa motho yo mongwe |
||
O dutše ka letsogong la le letona la Modimo |
a Puku ya Cyclopedia yeo e ngwadilwego ke McClintock le Strong e re: “Ga go na bohlatse bjo bo bontšhago gore dipego tša mabapi le mašika a Bajuda le malapa a gabo bona, di ile tša timelela nakong ya ge Jerusalema e be e fedišwa goba le pele e fedišwa.”
b Leina la Seheberu e lego Imanuele, leo le bolelago gore “Modimo o na le Rena,” le hlalosa gabotse mošomo wa Jesu bjalo ka Mesia. Taba ya gore o ile a tla mo lefaseng, le gore o ile a dira mediro e itšego, e tloga e bontšha gore Modimo o na le bahlanka ba gagwe.—Luka 2:27-32; 7:12-16.
c Mohlomongwe lentšu “Natsaretha” le tšwa lentšung la Seheberu leo le bolelago gore “lehlogedi.”
d E le gore o hwetše ditaba ka botlalo tša mabapi le gore ke ka baka la’ng re re Mesia o fihlile ka ngwaga wa 29 C.E., bala sehlogo seo se rego, “Kamoo Boporofeta bja Daniele bo Bolelago e sa le Pele ka go Fihla ga Mesia.”
e Boporofeta bjo bo hwetšagala ka pukung ya Sakaria. Eupša mongwadi wa Beibele e lego Mateo o re mantšu a a ‘boletšwe ke moporofeta Jeremia.’ (Mateo 27:9) Go bonagala ka dinako tše dingwe, puku ya Jeremia e be e tšwelela karolong ya mathomo ya Mangwalo a “Baporofeta.” (Luka 24:44) Mohlomongwe ge Mateo a be a tsopola mantšu ao a ilego a bolelwa ke “Jeremia,” o be a šupa go dipuku ka moka tšeo di bolelago ka boporofeta, go akaretša le puku ya Sakaria.
You May Also Like
PHAFOGA!
Seo Beibele e se Bolelago ka Mesia
Na o be o tseba gore Beibele e porofetile gore Mesia o be a tla hwa pele a feleletša modiro wa gagwe?
MOROKAMI
Jesu—Lebaka Leo ka Lona a Ilego a hwa
Ke ka baka la’ng Jesu a ile a swanelwa ke go tlaišega le go hwa? Lebaka la gona le ka kgoma bophelo bja gago kudu.
PHAFOGA!
Mosadi wa Mojuda o Hlalosa Lebaka Leo a Ilego a Hlahloba Tumelo ya Gagwe Lefsa
Ke bohlatse bofe bjo bo kgodišitšego Racquel Hall gore Jesu e be e le Mesia yo a bego a mo hlologetše?
DITHUTO TŠA BEIBELE
Leka Thuto ya Rena ya Beibele
Ithute Beibele mahala o thušwa ke motho yo mongwe.