Beibele e utolla gore Sathane Diabolo ke motho wa kgonthe yoo ka go swana le molaodi yo bogale wa disenyi a kgonthišetšago gore thato ya gagwe e phethagatšwa ka ‘dipontšho tša bofora’ le ka “bofora.” Ge e le gabotse, Beibele e re o “dula a itira morongwa wa seetša.” (2 Bathesalonika 2:9, 10; 2 Bakorinthe 11:14) Go ba gona ga Diabolo go ka bonwa ka tshenyo yeo a e bakago.

 Lega go le bjalo, Diabolo ga se yena a bakago tlaišego ka moka. Ke ka baka la’ng go se bjalo? Modimo o bopile batho ba na le bokgoni bja go kgetha magareng ga go dira se se nepagetšego le se se fošagetšego. (Joshua 24:15) Ge re dira dikgetho tše di fošagetšego, re tla lebeletšana le ditlamorago tše bohloko.—Bagalatia 6:7, 8.