Mmopi wa rena o beile melao yeo e laolago lenyalo kgalekgale pele ga ge mebušo ya batho e ka hloma melaotheo. Puku ya mathomo ya Beibele e re botša gore: “Monna [o tla] tlogela tatagwe le mmagwe, a kgomarela mosadi wa gagwe gomme bona e tla ba nama e tee.” (Genesi 2:24) Go ya ka Vine’s Expository Dictionary of Biblical Words, lentšu la Seheberu la “mosadi,” “le bolela gore motho yo e lego yo motshadi.” Jesu o ile a gatelela taba ya gore batho bao ba tlemagantšwego gotee jokong ya lenyalo e swanetše go ba “yo motona le yo motshadi.”—Mateo 19:4.

 Ka go re’alo, Modimo o be a rerile gore lenyalo e be tlemo e lerato le ya sa ruri gare ga monna le mosadi. Banna le basadi ba bopetšwe go thekgana e le gore ba kgone go kgotsofatšana maikwelong le go tša thobalano gotee le go belega bana.