Dipsalme 87:1-7
Psalme ya barwa ba Kora. Koša, kopelo.
87 Motheo wa gagwe o dithabeng tše kgethwa.+
2 Jehofa o rata dikgoro tša Tsione+Go feta ditaberenakele ka moka tša Jakobo.+
3 Wena motse wa Modimo wa therešo, go bolelwa ka dilo tša letago ka wena.+ Seʹlah.
4 Rahaba*+ le Babilona+ ke tla di bala gare ga bao ba ntsebago;Go tla bolelwa ka Filisita,+ Tiro gotee le Kushe* gwa thwe:“Yo ke yena yo a belegetšwego moo.”+
5 Le gona go tla bolelwa ka Tsione gwa thwe:“Yo mongwe le yo mongwe o belegetšwe go yona.”+Yo Godimodimo+ yena o tla e thea a e tiiša.+
6 Ge Jehofa a ngwala pego ya go balwa ga merafo o tla re:+“Yo ke yena yo a belegetšwego moo.”+ Seʹlah.
7 Le gona go tla ba le diopedi le bao ba binago ba dirile lešaka,+ gomme go tla thwe:“Methopo ya ka ka moka ya ditšhegofatšo e go wena.”+
