Diema 1:1-33
1 Tše ke diema tša Solomone morwa wa Dafida, kgoši ya Isiraele:
2 Diema tše di ngwaletšwe go thuša motho gore a hwetše bohlale, a amogele tayoLe go kwešiša mantšu a motho yo bohlale
3 Gore a amogele tayo yeo e mo thušago gore a be le kwešišo e tseneletšego,A dire se se lokilego, a bontšhe toka a be a tshepagale.
4 Di thuša yoo a se nago tsebo e ntšhi gore a be le bohlaleLe go thuša baswa gore ba be le tsebo le go kgona go dira diphetho tše dibotse.
5 Motho yo bohlale o a theetša gomme a ithuta dilo tše dintšhi.O hwetša keletšo e bohlale
6 Gore a kwešiše diema le dipapišo,Le mantšu a batho ba bohlale gotee le dipolelo tša bona tšeo di gakantšhago.
7 Go boifa Jehofa ke mathomo a go ba le tsebo.
Ditlaela ke tšona feela tšeo di nyatšago bohlale le tayo.
8 Morwa wa ka, theetša tayo ya tatagoGomme o se ke wa lahla molao woo mmago a go rutago wona.
9 Ka gobane tayo ya tatago le molao wa mmago, di swana le kgare e botse hlogong ya gagoLe pheta e botse molaleng wa gago.
10 Morwa wa ka, ge badiradibe ba leka go go goketša, o se ke wa ba latela.
11 Ge ba re: “Sepela le rena,
A re ye re yo lalela batho gore re ba bolaye.
A re ye re yo ikuta gore re hlasele batho bao ba se nago molato.
12 Go no swana le ge Lebitla* le metša batho, le rena a re ye re yo ba metša ba sa phela.Re ba metše ka moka go swana le batho bao ba bolokwago.
13 A re ba tšeele dilo ka moka tša bona tše bohlokwa.Re tlatše dintlo tša rena ka dilo tšeo re ba tšeetšego tšona.
14 O swanetše go sepela le rena,Gomme ka moka ga rena re tla hwetša dilo tša go lekana go tšeo re di utswago.”
15 Morwa wa ka, o se ke wa ba šala morago.
E ba kgole le bona.
16 Ka gobane ba kitimela go yo dira dilo tše mpeE bile ba kitimela go yo bolaya batho.
17 Ruri ga go thuše selo go beela nonyana molaba mola e go lebeletše.
18 Ke ka baka leo ba ikutago gore ba bolaye batho.Ba lalela batho gore ba ba bolaye.
19 Dilo tše di dirwa ke batho bao ba utswetšago ba bangwe gore ba ikhumiše.Le gona dilo tšeo ba di tšeelago batho ba bangwe, di tlo tšeela le bona bophelo.
20 Bohlale bo swana le motho yo a goeletšago a le seterateng.
Bo dula bo bolelela godimo bo le mebarakeng.
21 Bo goeletša batho bo le khoneng ya seterata seo se tletšego batho.
Bo goeletša bo le keiting ya motse, bo re:
22 “Lena bao ba hlokago tsebo e ntšhi, le tlo tšwela pele le rata dilo tša bošilo go fihlela neng?
Lena bao le ratago go kwera, le tla dula le rata go kwera go fihlela neng?
Lena ditlaela, le tla tšwela pele le hloile tsebo go fihlela neng?
23 Ntheetšeng ge ke le kgalemela.
Ke moka ke tla le tšhollela moya wa kaGomme ka le ruta mantšu a ka.
24 Ka gobane ke le biditše eupša la no tšwela pele le gana,Ka tliša letsogo la ka gore ke le thuše, eupša lena la se be le taba le nna.
25 La tšwela pele le gana dikeletšo tša ka ka mokaGomme la gana go fetoga ge ke le kgalemela.
26 Le nna ke tlo le sega ge le welwa ke masetlapelo.Ke tlo le kwera ge le tlelwa ke dilo tšeo di le tšhošago,
27 Ge dilo tšeo di le tšhošago di le tlela bjalo ka ledimoGomme masetlapelo a le tlela bjalo ka ledimo le matla,Le ge le welwa ke mathata e bile le tlaletšwe.
28 Ka nako yeo ba tla dula ba mpitša gore ke ba thuše, eupša nna nka se ba arabe.Ba tla nnyaka ka mahlo a mahwibidu, eupša ba ka se nkhwetše.
29 Ka gobane ba be ba hloile tseboE bile ba sa boife Jehofa.
30 Ba ganne keletšo ya kaGomme ba nyatša kgalemelo ya ka ka moka.
31 Ba tla tlaišega ka baka la ditsela tša bona tše mpeE bile ba tla tlaišega kudu ka baka la maano a bona a mabe.
32 Ka gobane go se kwe ga bao ba hlokago tsebo e ntšhi, go tla ba bakela lehu,Gomme ditlaela di tla fedišwa ka gobane ga di na taba le selo.
33 Eupša yo a ntheetšago, o tla dula a šireletšegile.A ka se thothomedišwe ke go tšhaba masetlapelo.”
Mengwalo ya tlase
^ Bona Tlhaloso ya Mantšu.
