Diema 18:1-24
-
Monna yo a nago le tsebo o kgetha mantšu a gagwe gabotse (1)
-
Monna yo a nago le tsebo o kgetha mantšu a gagwe gabotse (10)
-
Mahumo a dira gore motho a nagane gore o šireletšegile (11)
-
Go theeletša taba go tšwa mahlakoreng a mabedi go bontšha bohlale (17)
-
Mogwera yo a go ratago kudu go feta ngwaneno (24)
18 Yo a ratago go phela a nnoši, o dula a nagana ka dilo tšeo di holago yena a nnoši,E bile o gana dikeletšo ka moka tše dibotse.
2 Motho wa setlaela ga a nyake go kwešiša selo,Eupša o rata go bolela ka dilo tšeo yena a di naganago feela.
3 Ge motho a dira dilo tše mpe o tla nyatšwa,Le gona ge motho a dira dilo tša go leša dihlong, a ka se hlomphiwe.
4 Dilo tšeo di bolelwago ke motho yo bohlale, di dira gore bao ba mo theeditšego ba naganišiše,
Le gona bohlale bjo bo tšwago go yena bo bjalo ka noka yeo e elelago.
5 Ge o ahlola, ga se wa swanela go emelela motho yo mobe,Goba wa se bontšhe moloki toka yeo e mo swanetšego.
6 Dilo tšeo setlaela se di bolelago di baka dingangišanoE bile di dira gore ba bangwe ba nyake go se betha.
7 Motho wa setlaela o senywa ke molomo wa gagwe,Gomme dilo tšeo a di bolelago di tsenya bophelo bja gagwe kotsing.
8 Mantšu a motho yo a senyago ba bangwe maina, a bose go swana le dijo tše dibose.A metšega gabonolo gomme a ya ka mpeng.
9 Motho yo a tšwafago go šoma,Ke mogwera wa motho yo a senyago dilo.
10 Leina la Jehofa le swana le lefelo la go ikuta.*
Moloki o tšhabela go lona gomme a šireletšwa.
11 Dilo tše bohlokwa tša mohumi di swana le motse wo o šireleditšwego,Gomme yena o nagana gore di swana le leboto la go mo šireletša.
12 Motho wa go ikgantšha o tla welwa ke masetlapelo,Eupša yo a ikokobetšago o tla godišwa.
13 Ge motho a fetola taba pele a ka ekwa gabotse,O bontšha bošilo e bile o a inyatšiša.
14 Motho yo a thabilego a ka kgona go kgotlelela bolwetši,Eupša ke mang yo a ka kgotlelelago go gateletšega?
15 Motho yo a kwešišago o nyaka go hwetša tsebo,Gomme batho ba bohlale ba a theetša e le gore ba hwetše tsebo.
16 Mpho ya motho e mmulela tsela.E mo dira gore a kopane le batho ba maemo a godimo.
17 Motho yo a bolelago pele tshekong o bonagala a nepileGo fihlela ge motho yo a sekago le yena a etla gomme a mmotšološiša.
18 Go tsoma* tlhahlo ya Modimo go fediša diphapano,Gwa ba gwa lamola le batho bao ba lego matla bao ba ngangišanago.
19 Go swana le ge go le thata go thopa motse wo o šireleditšwego, le go dira gore ngwaneno yo a kgopišegilego a go swarele go thata.Le gona, go na le diphapano tšeo go lego thata go di rarolla, go swana le dikeiti tše di tiilego tša motse tšeo go lego thata go di bula.
20 Dilo tšeo motho a di bolelago ka molomo wa gagwe di swana le dijo tšeo di khorišago mpa ya gagwe.O tla hwetša ditlamorago tša dilo tšeo a di bolelago.
21 Dilo tšeo di bolelwago* di ka dira gore motho a phele goba a hwe.Bao ba bolelago kudu ba tla lebana le ditlamorago tša mantšu a bona.
22 Monna yo a hweditšego mosadisadi o hweditše selo se bohlokwa,Gomme o amogelwa ke Jehofa.
23 Modiidi o kgopela mohumi gore a mo thuše,Eupša mohumi o mo araba ka bogale.
24 Go na le bagwera bao ba dulago ba nyaka go kwešana bohloko,Eupša go na le mogwera yo a go ratago kudu go feta ngwaneno.
Mengwalo ya tlase
^ Phetolelo ya lentšu ka lentšu e re, “tora e tiilego.”
^ Phetolelo ya lentšu ka lentšu e re, “go dira matengwa.” Bona Tlhaloso ya Mantšu.
^ Goba, “Leleme.”
