Diema 20:1-30
20 Motho yo a nwago beine e ntšhi o rata go kwera ba bangwe,Gomme yo a nwago bjala bjo bontšhi ga a laolege.
2 Kgoši e dira gore batho ba boife kudu go swana le ge ba boifa tau e rorago.Mang le mang yo a galefišago kgoši yeo o bea bophelo bja gagwe kotsing.
3 Motho wa go se rate dingangišano o hlomphiwa ke bathoEupša lešilo le rata dingangišano.
4 Sebodu se ka se leme ge go tonya,Nakong ya puno se tla ba se se na selo gomme se kgopela dijo.*
5 Dilo tšeo motho a di naganago di swana le sediba seo se išago fasefase,Eupša motho wa temogo ke yena a ka di utollago.
6 Batho ba bantšhi ba ipotša gore ba na le lerato,*Eupša go thata go hwetša motho yo a tlogago a bontšha gore o rata ba bangwe.
7 Motho wa go loka o dira dilo tša go bontšha gore o a tshepega.
Bana* ba gagwe ba tla dula ba thabile.
8 Ge kgoši e dula sedulong sa yona sa bogoši gore e ahlole batho, e hlahloba dilo ka moka gabotseE le gore e kgone go tloša selo se sengwe le se sengwe se sebe.
9 Ke mang yo a ka rego: “Pelo ya ka e hlwekile,Nna ga ke sa na sebe”?
10 Jehofa o šišimišwa ke dikala tša go se tshepegeLe tša bofora.
11 Le mošemane o bonwa ka mediro ya gagweGore o itshwere gabotse le gore o lokile.
12 Jehofa ke yena a dirilego ditsebe tša rena tšeo re kwago ka tšonaLe mahlo a rena ao re bonago ka ona.
13 O se ke wa rata boroko e le gore o se ke wa tla wa diila.
Bula mahlo a gago gomme o tsoge e le gore o tle o be le dijo tše dintšhi.
14 Moreki o re: “Selo se se a tura!”Ke moka a sepela a ikgantšha ka gore yena ba mo fokoleditše tšhelete ya go reka selo seo.
15 Motho a ka ba le gauta le maswika a bohlokwa kudu,Eupša yo a bolelago ka tsela e bontšhago gore o bohlale o bohlokwa le go feta.
16 Tšea kobo ya motho yo a rego o tla patela sekoloto sa motho yo a sa mo tsebego ge e ba mong wa sona a palelwa ke go se patela.Ge e ba a kolota mosadi yo a gobogilego,* mo tšeele selo se sengwe seo o ka itshwarelelago ka sona.
17 Senkgwa seo se utswitšwego* se tsefela motho,Eupša ka morago molomo wa gagwe o tla tlala maswikana.*
18 Maano a tla atlega ge batho ba eletšana,Le gona ge o eya ntweng o hloka tlhahlo ya batho ba bohlale.
19 Motho wa go rata go senya ba bangwe maina o utolla diphiri,O se ke wa gwerana le motho yo a ratago lesebo.
20 Morwa yo a rogago tatagwe goba mmagwe,Lebone la gagwe le tla tingwa mohlang wa leswiswi.
21 Le ge motho wa megabaru a ka hwetša mahumo a gagwe,Mafelelong a ka se thabe.*
22 O se ke wa re: “Ke tla itefeletša!”
Tshepa Jehofa gomme yena o tla go phološa.
23 Jehofa o šišimišwa ke dikala tša go se tshepege.Le gona, dikala tša bofora ga di a loka.
24 Jehofa ke yena a hlahlago bophelo bja motho,Ka gona motho a ka se kgone go hlahla bophelo bja gagwe.
25 Ge e ba motho a ka kitimela go tshepiša Modimo selo se sengwe,
Gomme ka morago ya ba gona a naganišišago ka seo a se tshepišitšego, o tla tsena mathateng.
26 Go etša ge mooko o aroganywa le mabele,Kgoši e bohlale e tla hlahloba batho gomme ya arola batho ba babe.
27 Dilo tšeo motho a di bolelago* di bjalo ka lebone go Jehofa,Di utolla seo se lego ka garegare ga gagwe.
28 Ge kgoši e bontšha lerato* e bile e tshepega e tla šireletšega,Le gona, lerato leo le tla tiiša pušo ya yona.
29 Bobotse bja baswa ke matla a bona,Gomme bobotse bja batšofadi ke meriri ya bona e mešweu.
30 Kotlo* e re thuša gore re kgaotše go dira dilo tše mpe,Gomme tayo* e swana le selo seo se tlošago bobe dipelong tša rena.
Mengwalo ya tlase
^ Goba mohlomongwe, “se tla ba se nyaka go buna eupša sa se hwetše selo.”
^ Goba, “lerato le le botegago.”
^ Phetolelo ya lentšu ka lentšu e re, “Barwa.”
^ Goba, “motho yo a tšwago nageng e nngwe.”
^ Goba, “seo se hweditšwego ka bofora.”
^ Goba, “lekgwara.”
^ Goba, “Modimo a ka se mo šegofatše.”
^ Phetolelo ya lentšu ka lentšu e re, “Mohemo wa motho.”
^ Goba, “lerato le le botegago.”
^ Phetolelo ya lentšu ka lentšu e re, “Mabadi.”
^ Phetolelo ya lentšu ka lentšu e re, “go bethwa.”
