Diema 3:1-35
3 Morwa wa ka, o se ke wa lebala dilo tšeo ke go rutilego tšona,Le gona anke o boloke ditaelo tša ka ka pelo ka moka,
2 Ka gobane di tla go thuša gore o phele nako e teleleGomme wa ba le khutšo.
3 O se ke wa tlogela go bontšha lerato le le botegago le go tshepega.
Di kgokelele molaleng wa gago.Anke di dule di le pelong ya gago.
4 Ge o ka dira bjalo Modimo le batho ba bangwe ba tla go amogelaGomme ba go bona o na le temogo.
5 Tshepa Jehofa ka pelo ya gago ka mokaGomme o se ke wa ithekga ka bohlale bja gago.
6 Dula o naganne ka yena dilong ka moka tšeo o di diragoGomme yena o tla dira gore o atlege.
7 O se ke wa ipona o le bohlale.
Boifa Jehofa gomme o tlogele go dira dilo tše mpe.
8 Go boifa Modimo go tla ba bjalo ka sehlare seo se alafago mmele wa gagoGomme marapo a gago a tla dula a tiile.*
9 Godiša Jehofa ka go mo nea dilo tša gago tše kaonekaone,Ka dienywa tša gago tšeo di butšwago pele.
10 Ge o ka dira bjalo, lefelo leo o bolokelago dilo go lona le tla dula le tletše,Gomme dinkgo tša gago di tla tlala wa go falala ka beine e mpsha.
11 Morwa wa ka, o se ke wa gana tayo ya Jehofa,Le gona o se ke wa galefa ge a go kgalemela.
12 Ka gobane Jehofa o kgalemela yo a mo ratago,Go etša ge tate a kgalemela morwa wa gagwe yo a mo ratago.
13 Go thaba motho yo a ithutago gore bohlale ke engLe motho yo a nago le temogo.
14 Go kaone go ba le bohlale go feta go hwetša siliferaE bile go kaone go ba le bohlale go feta go ba le gauta.
15 Bohlale bo bohlokwa go phala maswika a bohlokwa a ka lewatlengGomme dilo ka moka tšeo o di dumago di ka se lekanywe le bjona.
16 Ge o ka hwetša bohlale o tla phela nako e teleleGomme wa hwetša mahumo le letago.
17 Ge o na le bohlale o tlo thabaGomme wa phela ka khutšo.
18 Bohlale bo swana le mohlare wa bophelo.Bao ba bo kgomarelago ba tla phela gomme ba thaba.
19 Jehofa o theile lefase ka bohlale.
O tiišitše magodimo ka temogo.
20 Modimo o dirišitše tsebo ya gagwe go aroganya meetse ao a lego madibeng,A dira gore maru a neše pula ya mesarasarane.
21 Morwa wa ka, o se ke wa lebala dilo tše.*
Dula o le bohlale gomme o šireletše monagano wa gago,
22 Tšona di tla go phedišaGomme tša ba bjalo ka pheta e botse molaleng wa gago.
23 Ka gona, o tla sepela o šireletšegile tseleng ya gago,Le leoto la gago le ka se kgopše ke selo.
24 O ka se tšhoge selo ge o robalaO tla robala gomme wa ipshina ka boroko.
25 O ka se tšhoge masetlapelo ao a tlago go sa letelwaLe gona o ka se tšhoge masetlapelo ao a tlelago batho ba babe bjalo ka ledimo.
26 Ka gobane ge o ka ithekga ka Jehofa ka mo go feletšego,O tla šireletša leoto la gago gore le se ke la wela molabeng.
27 Ge e ba go na le batho bao ba tlogago ba hloka thušo ya gagoBa thuše ge e ba o kgona go dira bjalo.
28 O se ke wa re go wa geno: “Sepela o boe gosasa gomme ke tla go nea seo o se kgopelago,”
Mola o ka kgona go mo nea sona gona bjale.
29 O se ke wa logela wa geno maanomabe,Mola a ikwa a šireletšegile ge a dutše le wena.
30 O se ke wa ngangišana le motho ka ntle le lebakaGe e ba a se a go dira selo se sebe.
31 O se ke wa duma motho yo sehlogoGoba wa ekiša dilo tšeo a di dirago.
32 Ka gobane Jehofa o hloile motho wa go radia ba bangwe,Eupša ke mogwera yo mogolo wa batho bao ba lokilego.
33 Jehofa o rogaka lapa la motho yo mobe,Eupša o šegofatša lapa la motho yo a dirago dilo tše dibotse.
34 Ka gobane o kwera batho bao ba kwerago ba bangweEupša o gaugela ba boleta.
35 Ba bohlale ba tla hlomphiwa,Eupša ditlaela tšona di tla nyatšwa.
Mengwalo ya tlase
^ Goba “go tla lapološa marapo a gago.”
^ Go molaleng gore mo go bolelwa ka dika tša Modimo tšeo go boletšwego ka tšona ditemaneng tše di fetilego.
