Diema 9:1-18
9 Bohlale bo swana le motho yo a ikagetšego ntlo.Bo ipetletše diphilara tše šupago.
2 Bo itlhabetše phoofolo,Bo itswaketše beineE bile bo iteketše tafola.
3 Bo romile bahlanka ba bjona ba basadi goreBa goeletše ba le mebotong ya motse, ba re:
4 “Mang le mang yo a se nago temogo, a a tle mo.”
Bja botša ditlaela bja re:
5 “Etlang le je senkgwa sa kaGomme le nwe beine yeo ke e tswakilego.
6 Tlogelang go ba ditlaela gomme le phele,Dumelelang kwešišo gore e le hlahle.”
7 Yo a phošollago motho yo a kwerago batho ba bangwe o a inyatšiša.Yo a kgalemelago motho yo mobe o a ikgobatša.
8 O se ke wa kgalemela motho yo a kwerago batho ba bangwe ka gore o tlo go hloya.
Kgalemela motho yo bohlale gomme o tla go rata.
9 Ruta motho yo bohlale gomme yena o tla hlalefa le go feta.
Ruta motho yo a lokilego gomme yena o tla tšwela pele a ithuta, a oketša tsebo ya gagwe.
10 Go boifa Jehofa ke mathomo a bohlale,Go tseba yo Mokgethwakgethwa ke go ba le kwešišo.
11 Ke tla dira gore o phele nako e telele,Gomme ka go okeletša mengwaga ya bophelo.
12 Ge o hlalefa, bohlale bja gago bo a go hola,Eupša ge o kwera ba bangwe o tla lebana le ditlamorago o nnoši.
13 Mosadi wa setlaela o na le mašata.
Ga a na taba le selo e bile ga a tsebe selo.
14 O dutše setulong seo se lego mojakong wa ntlo ya gagwe,Yeo e lego lefelong le le phagamego la motseng wa gabo.
15 O goeletša batho bao ba iphetelago ka tsela,Bao ba itshepelelago ba tshwenyegile ka ditaba tša bona, o re:
16 “Mang le mang yo a se nago temogo, a a tle mo.”
Ke moka a botša ditlaela a re:
17 “Meetse ao a utswitšwego a boseGomme dijo tšeo di jelwago ka sephiring di a tsefa.”
18 Eupša ga ba tsebe gore ntlo ya gagwe e tletše ka ditopo,Le gore bao a ba memelago ntlong ya gagwe ba feleletša Lebitleng.*
Mengwalo ya tlase
^ Bona Tlhaloso ya Mantšu.
