Psalme 1:1-6
1 Go thaba motho yo a sa latelego keletšo ya batho ba babe,Yo a sa emego ditseleng tša badiradibe,Yo a sa dulego le batho bao ba kwerago selo se sengwe le se sengwe se sebotse.
2 Eupša a rata molao wa Jehofa kudu,Gomme a bala molao wa gagwe le go naganišiša* ka wona bošego le mosegare.
3 O swana le mohlare woo o bjetšwego kgauswi le noka,Wo o enywago dienywa tša wona ka nako ya gona,Wo matlakala a wona a sa ponego.
Le gona, dilo ka moka tšeo a di dirago di tla atlega.
4 Eupša batho ba babe bona ga ba bjalo,Ba swana le mooko woo o tšewago ke phefo.
5 Ke ka baka leo batho ba babe ba ka se tlogelwego ba sa otlwe,Le badiradibe ba ka se dule ba le gona moo go nago le baloki.
6 Jehofa o bona mediro ya baloki,Eupša o tla fediša mediro ya ba babe.
Mengwalo ya tlase
^ Goba, “o bala ka lentšu la tlasana.”
