Psalme 109:1-31
Ditaelo tšeo di yago go mohlahli. Koša ya Dafida.
109 Wena Modimo yo ke mo tumišago, o se ke wa homola.
2 Ka gobane batho ba babe le ba maaka ba bolela gampe ka nna.
E bile ba bolela maaka ka nna.
3 Ba bolela dilo tšeo di bontšhago gore ba ntlhoile,E bile ba ntlhasela ntle le lebaka.
4 Ge ke ba bontšha gore ke a ba rata, bona ba lwa le nna,Eupša nna ke dula ke rapela.
5 Ge ke ba direla dilo tše dibotse, bona ba ntshwara gampeGomme ge ke ba bontšha gore ke a ba rata, bona ba mpontšha gore ba ntlhoile.
6 Anke motho yo e lego lenaba la ka a ahlolwe ke motho yo mobe.Anke motho yo a mo latofatšago a eme ka letsogong la gagwe le letona.
7 Anke a bonwe molato ge a ahlolwa.Anke le thapelo ya gagwe e lebelelwe e le sebe.
8 Anke matšatši a gagwe a bophelo a fokotšege.Anke maemo a gagwe a bolebeledi a tšewe ke motho yo mongwe.
9 Anke bana ba gagwe ba šale ba hloka tateGomme mosadi wa gagwe e be mohlologadi.
10 Anke bana ba gagwe ba tšame ba ralala gomme ba phele ka go kgopela,Ba ye go nyaka dijo mašopeng a gabo bona.
11 Anke moadimiši a mo tšeele dilo tša gagwe ka moka tšeo a nago le tšona,Gomme batho bao a sa ba tsebego ba mo tšeele thoto ya gagwe.
12 Anke go se be le motho yo a mmontšhago botho.Le gona anke go se be le yo a gaugelago bana ba gagwe bao ba hlokago tatago bona.
13 Anke ditlogolo tša gagwe di fedišwe.Anke maina a tšona a lebalwe melokong yeo e sa tlago go tla.
14 Anke Jehofa a gopole molato wa borakgolokhukhu ba gagwe.Le gona anke sebe sa mmagwe se se phumolwe.
15 Anke Jehofa a dule a gopola dilo tšeo a di dirilego.Le gona anke a dire gore maina a bona a se sa gopolwa mo lefaseng,
16 Ka gobane motho yo ga sa nka a gopola go bontšha botho,*Eupša o ile a dulela go gatelela motho yo a hlakago, a diilago e bile a nyamileE le gore a mmolaye.
17 O be a rata go roga ba bangwe, ke kamoo le yena a ilego a rogwa.O be a sa rate go šegofatša ba bangwe, ke kamoo le yena a sa kago a šegofatšwa.
18 O ile a ikapeša maroga bjalo ka seaparo,
Gomme maroga ao a mo tšhela bjalo ka ge eka o tšhelwa ke meetse,A tsenelela marapong a gagwe bjalo ka makhura.
19 Anke maroga a gagwe a mo kgomarele bjalo ka seaparo seo a itatago ka sona,Le bjalo ka lepanta leo a dulago a le apere.
20 Ye ke tsela yeo Jehofa a otlago yo a nkganetšagoLe bao ba bolelago dilo tše mpe ka nna.
21 Eupša wena Mmuši Morena Jehofa,Nthuše ka baka la leina la gago.
Mphološe ka gobane lerato la gago le le botegago ke le legolo.
22 Ka gobane ke hloka thušo e bile ke modiidi,Gomme pelo ya ka e kwele bohloko.
23 Ke hwelela bjalo ka moriti woo o hwelelago,Ke bjalo ka tšie yeo e hlohlorilwego godimo ga seaparo.
24 Matolo a ka a fokodišwa ke go ikona dijo,Ke otile e bile ke hlagetše.
25 Batho ge ba mpona ba a nkwera
E bile ba šikinya dihlogo.
26 Nthuše hle Jehofa Modimo wa ka,Mpontšhe lerato la gago le le botegago gomme o mphološe.
27 Ke moka batho ba tla tseba gore wena JehofaKe wena o mphološitšego.
28 Le ge ba ka nthoga, wena o tla ntšhegofatša.
Eka ba ka hlabja ke dihlong ge ba elwa le nna,Eupša anke nna mohlanka wa gago ke thabe.
29 Anke bao ba nkganetšago ba kokobetšwe,Anke dihlong tša bona di ba tatetše tše ekego ba tateditšwe ke seaparo.
30 Ke tla reta Jehofa kudu,Le gona ke tla mo reta gare ga batho ba bantšhi.
31 Ka gobane o tla lwela modiidi*Gore a mo phološe go bao ba mo ahlolago.
Mengwalo ya tlase
^ Goba, “lerato le le botegago.”
^ Phetolelo ya lentšu ka lentšu e re, “O tla ema ka letsogong le letona la modiidi.”
