Psalme 113:1-9
113 Tumišang Jah!*
Mo tumišeng, lena bahlanka ba Jehofa,Tumišang leina la Jehofa.
2 Anke leina la Jehofa le retweGo tloga gona bjale le go ya go ile.
3 Anke leina la Jehofa le retweGo tloga ge letšatši le hlaba go fihlela ge le sobela.
4 Jehofa o phagametše ditšhaba ka moka.Letago la gagwe le ka godimo ga magodimo.
5 Ke mang yo a swanago le Jehofa Modimo wa rena,Yena yoo a dulago ka godimo ga magodimo?
6 O a inama e le gore a lebelele legodimo le lefase,
7 O thuša motho wa maemo a tlase gore a se sa dula leroleng,
O ntšha modiidi meloreng*
8 Gore a mo dudiše le batho ba maemo a godimo,Le batho ba gagwe ba maemo a godimo.
9 O nea mosadi wa moopa banaGomme a mo dira gore a thabele go ba mma.
Tumišang Jah!*
Mengwalo ya tlase
^ Goba, “Haleluya!” “Jah” ke tsela e kopana ya go bitša leina Jehofa.
^ Goba mohlomongwe, “moleteng wa melora.”
^ Goba, “Haleluya!” “Jah” ke tsela e kopana ya go bitša leina Jehofa.
