Psalme 127:1-5
Koša ya Maeto a go Rotoga. Koša ya Solomone.
127 Ntlo ge e sa agwe ke Jehofa,Le ge batho bao ba e agago ba ka šoma ka thata, ba itapišetša lefeela.
Ge motse o sa letwe ke Jehofa,Motho yoo a o letago o dula a phafogetše lefeela.
2 Ke ga lefeela ge le tsoga e sa le mesong,Le šoma go fihla e eba bošego,E bile le šoma ka thata gore le hwetše dijo.Ka gobane Modimo o hlokomela bao a ba ratago le go ba thuša gore ba swarwe ke boroko.
3 Bana ke dimpho tšeo di tšwago go Jehofa.Bana bao ba belegwago ke dimpho tšeo di tšwago go Modimo.*
4 Bana bao motho a bago le bona e sa le yo moswa,Ba swana le mesebe yeo e lego ka seatleng sa monna yo matla.
5 Go thaba monna yoo a tladitšego mokotla wa gagwe ka yona.
A ka se hlabje ke dihlong,Ka gobane bana ba gagwe ba tla mo emelela go manaba keiting ya motse.
Mengwalo ya tlase
^ Phetolelo ya lentšu ka lentšu e re, “Dienywa tša mmele ke moputso.”
