Psalme 145:1-21
Koša ya Dafida ya tumišo.
א [Aleph]
145 Ke tla go tumiša wena Modimo wa ka, le Kgoši ya ka.Ke tla reta leina la gago go ya go ile.
ב [Beth]
2 Ke tla go reta letšatši ka moka,Ke tla reta leina la gago go ya go ile.
ג [Gimel]
3 Jehofa ke yo mogolo e bile o swanelwa ke go tumišwa kudu.Ga go na motho yo a ka kwešišago gore ke yo mogolo gakaakang.
ד [Daleth]
4 Meloko ya gona bjale le meloko yeo e latelago e tla reta mediro ya gago,E bile e tla bolela ka mediro ya gago e matla.
ה [He]
5 E tla bolela ka letago la gago le ka seriti sa gagoGomme nna ka naganišiša ka mediro ya gago e makatšago.
ו [Waw]
6 Meloko e tla bolela ka dilo tše di boifišago tšeo o di dirilegoGomme nna ke tla bolela ka bogolo bja gago.
ז [Zayin]
7 Ge meloko yeo e gopola botho bja gago bjo bogolo, e tla bolela e sa fetše.E bile e tla opela ka go loka ga gago e thabile.
ח [Heth]
8 Jehofa o kwela bohloko e bile o a gaugela,Ga a galefe ka pela e bile lerato la gagwe le le botegago ke le legolo.
ט [Teth]
9 Jehofa o lokile go batho bohle,Gomme mediro ya gagwe ka moka e bontšha gore o na le kwelobohloko.
י [Yod]
10 Wena Jehofa, dilo ka moka tšeo o di bopilego di tla go reta,Gomme bao ba go botegelago ba tla go reta.
כ [Kaph]
11 Ba tla tsebiša batho ka letago la bogoši bja gago,gomme ba bolela ka matla a gago,
ל [Lamed]
12 Gore ba tsebiše batho ka mediro ya gago e matla,Le kamoo bogoši bja gago e lego bjo bogolo ka gona.
מ [Mem]
13 Bogoši bja gago ke bja go ya go ile,E bile o tla buša meloko ka moka.
ס [Samekh]
14 Jehofa o thekga bohle bao ba wago,E bile o matlafatša bohle bao ba imetšwego ke mathata.
ע [Ayin]
15 Dibopiwa ka moka di tshepile wena gore o di thuše.O di fa dijo tša tšona ka nako e swanetšego.
פ [Pe]
16 O bula seatla sa gagoGomme wa kgotsofatša kganyogo ya batho le diphoofolo.
צ [Tsade]
17 Jehofa o dula a dira dilo tša go lokaE bile dilo ka moka tšeo a di dirago di bontšha gore o a tshepega.
ק [Qoph]
18 Jehofa o kgauswi le bohle bao ba mmitšago,Gotee le bohle bao ba mmitšago ka pelo ka moka.*
ר [Resh]
19 O kgotsofatša kganyogo ya bao ba mmoifago,O a ba kwa ge ba llela gore a ba thuše e bile o a ba phološa.
ש [Shin]
20 Jehofa o šireletša bohle bao ba mo ratago,Eupša o tla fediša ba babe ka moka.
ת [Taw]
21 Ke tla reta Jehofa.Anke sephedi se sengwe le se sengwe se rete leina la gagwe le lekgethwa go ya go ile.
Mengwalo ya tlase
^ Goba, “ka go rereša.”
