Psalme 147:1-20
147 Tumišang Jah,*
Ka gobane ke mo gobotse go opelela Modimo wa rena dikoša tša go mo reta.Ruri go a kgahliša e bile ke mo go swanetšego go mo reta.
2 Jehofa o tsošološa Jerusalema.O kgoboketša Baisiraele bao ba bego ba le bothopša.
3 O kgothatša batho bao dipelo tša bona di kwelego bohloko,A ba a tlema dintho tša bona.
4 O tseba gore dinaledi ke tše kae,E bile o di bitša ka moka ka maina.
5 Morena wa rena ke yo mogolo e bile o na le matla kudu.Bohlale* bja gagwe ga bo lekanywe le selo.
6 Jehofa o godiša batho ba boletaEupša batho ba babe o ba lahlela fase.
7 Opelelang Jehofa dikoša tša go mo leboga.Opelelang Modimo wa rena dikoša tša go mo tumiša ka harepa,
8 Yena yo a khupetšago magodimo ka maru,Yena yo a nešetšago lefase pula,Yena yo a dirago gore bjang bo mele dithabeng.
9 O nea diphoofolo dijo,E bile magokobu a manyenyane ao a llelago dijo, o a fa dijo.
10 Go yena, matla a pere ga se selo,Le matla* a monna ga se selo.
11 Jehofa o kgahlwa ke bao ba mmoifago,Le bao ba tshepilego lerato la gagwe le le botegago.
12 Reta Jehofa wena Jerusalema.
Tumiša Modimo wa gago, wena Tsione.
13 O tiiša ditšhipi tša dikeiti tša gago,E bile o šegofatša barwa ba gago.
14 O dira gore go be le khutšo nageng ya gago.A dira gore o je korong e kaonekaone gomme o khore.
15 O ntšha taelo ya gagwe gomme a e romela lefaseng.Dilo tšeo a di boletšego di fihla moo kapelapela.
16 O khupetša lefase ka kapoko bjalo ka lepai le lešweu.O gašanya kapoko bjalo ka melora.
17 O lahlela sefako sa gagwe bjalo ka marathana a borotho.
Ke mang yo a ka kgotlelelago go tonya?
18 Ge a ntšha taelo ya gagwe, sefako se a tologa.
O fokiša phefo ya gagwe gomme meetse a elela.
19 O botša Jakobo lentšu la gagwe,A botša Isiraele ditaelo le dikahlolo tša gagwe.
20 Ga se a ka a di botša ditšhaba tše dingwe.Ditšhaba tše ga di tsebe selo ka melao ya gagwe.
Tumišang Jah!*
Mengwalo ya tlase
^ Goba, “Haleluya.” “Jah” ke tsela e kopana ya go bitša leina Jehofa.
^ Goba, “Kwešišo.”
^ Phetolelo ya lentšu ka lentšu e re, “maoto.”
^ Goba, “Haleluya.” “Jah” ke tsela e kopana ya go bitša leina Jehofa.
