Psalme 2:1-12
2 Ke ka baka la’ng ditšhaba ka moka di baka tlhakatlhakanoGomme batho ba loga maanomabe* ka dilo tša go se re selo?
2 Dikgoši tša lefase di itokišetša go lwa,Gomme babuši ba ipopa ngatana e teeGore ba lwe le Jehofa le motlotšwa wa gagwe.
3 Ba re: “A re kgaoleng diketane tšeo ba re tlemago ka tšonaGomme re lahleng dithapo tša bona!”
4 Yoo a dutšego sedulong sa bogoši magodimong o tla sega.Jehofa o tla ba kwera.
5 Ka nako yeo, o tla bolela le bona a galefile.O tla ba tšhoša ge a bolela le bona a galefile,
6 A re: “Ke kgethile kgoši ya kaGomme e buša e le Tsione, thabeng ya ka e kgethwa.”
7 Anke ke boleleng seo Jehofa a se boletšego.O itše go nna: “O morwa wa ka.Go tloga lehono nna ke tatago.
8 Ge o ka nkgopela gore ke go fe ditšhaba ka moka gore e be bohwa bja gagoLe gore ke go nee lefase ka moka gore e be la gago, ke tla go nea tšona.
9 O tla pšhatlaganya ditšhaba ka molamo wa tšhipi,Wa ba wa di pšhatlaganya bjalo ka ge eka ke sebjana sa letsopa.”
10 Bjale lena dikgoši, dirang dilo ka bohlale.*Lena baahlodi ba lefase, anke le ithuteng.
11 Boifang Jehofa gomme le mo hlankele,Le be le mo hlomphe kudu le thabile.
12 Hlomphang morwa, gore Modimo a se le galefeleLe gore a se le tloše tseleng ya baloki,Ka gobane a ka galefa kapelapela.
Go thaba bohle bao ba tshepilego gore o tlo ba šireletša.
Mengwalo ya tlase
^ Phetolelo ya lentšu ka lentšu e re, “ngongorega.”
^ Phetolelo ya lentšu ka lentšu e re, “dirišang temogo.”
