Psalme 33:1-22
33 Lena baloki, goelelang ka lethabo ka baka la dilo tšeo Jehofa a di dirilego.
Ke mo gobotse gore baloki ba mo tumiše.
2 Lebogang Jehofa ka harepa.Mo opeleleng ka seletšo sa metato e lesome.
3 Mo opeleleng koša e mpsha,Letšang diletšo tša metato ka bothakga, le be le goelele ka lethabo.
4 Ka gobane lentšu la Jehofa le lokile,E bile re ka tshepa dilo ka moka tšeo a di dirago.
5 O rata toka e bile o ahlola batho gabotse.
Lerato la Jehofa le le botegago le bonwa dilong ka moka tšeo a di dirilego mo lefaseng.
6 Jehofa o dirile magodimo ka lentšu la gagwe.Gomme a dira dilo* ka moka tšeo di lego magodimong ka moya wa gagwe o mokgethwa.
7 O kgoboketša meetse a lewatle bjalo ka ge eka o a thibile ka maboto.O bea meetse ao a bilogago ka dintlong tša polokelo.
8 Anke batho ka moka lefaseng ba boife Jehofa.
Anke badudi ka moka ba lefaseng ba mmoife.
9 Ka gobane o boletše gomme tlholo ka moka ya ba gona.A laela gomme dilo tšeo a di laetšego tša direga.
10 Jehofa o sentše maikemišetšo a ditšhaba.A thibela dilo tšeo batho ba nyakago go di dira.
11 Eupša diphetho tša Jehofa di tla dula go ya go ile.Dilo tšeo a di naganago ga di fetoge, go tloga molokong o mongwe go ya go o mongwe.
12 Go thaba setšhaba seo Modimo wa sona e lego Jehofa,Batho bao a ba kgethilego gore e be bohwa bja gagwe.
13 Jehofa o lebelela fase a le legodimong,O bona bana ba batho ka moka.
14 O lebeletše batho ka moka bao ba dulago lefasengA le lefelong la gagwe leo a dulago go lona.
15 Ke yena a bopago dipelo tša bona ka moka go swana le sebjana sa letsopa.O hlahloba mediro ya bona ka moka.
16 Go ba le mašole a mantšhi ga go bolele gore kgoši e tla phološwa.Monna yo a nago le matla ga a phološwe ke go ba le matla.
17 Go ithekga ka pere ke ga lefeela ka gobane e ka se go phološe,Ga se gore ge e na le matla a magolo ke gore e tla go phološa.
18 Bonang! Jehofa o lebeletše bao ba mmoifago,E lego bao ba letetšego gore a ba bontšhe lerato la gagwe le le botegago,
19 E le gore a ba phološe lehungLe go ba thuša gore ba dule ba phela nakong ya tlala.
20 Re letetše Jehofa gore a re thuše.
Ke mothuši wa rena le kotse ya rena.
21 O dira gore dipelo tša rena di thabe,Ka gobane re tshepile leina la gagwe le lekgethwa.
22 Hle Jehofa, anke o re bontšhe lerato la gago le le botegagoGe re sa go letetše gore o re thuše.
Mengwalo ya tlase
^ Phetolelo ya lentšu ka lentšu e re, “madira ka moka.”
