Psalme 56:1-13
Ditaelo tšeo di yago go mohlahli. Diriša modumo wa koša yeo e rego: “Leeba le le Homotšego Leo le Lego Kgojana.” Miktame.* Koša ya Dafida. Ge Bafilisita ba be ba mo swere kua Gathe.
56 Nkgaugele hle Modimo, ka gobane batho ba a ntlhasela.
Ba dulela go lwa le nna letšatši ka moka e bile ba a nkgatelela.
2 Manaba a ka a dulela go lwa le nna letšatši ka moka,E bile ba bantšhi ba dula ba ipotša gore ba tla mphenya.
3 Ge ke boifa, ke ithekga ka wena.
4 Ke ithekgile ka Modimo, e bile ke mo reta ka baka la mantšu a gagwe.Ke tshepile Modimo, ka gona ga ke boife selo.
Motho yena a ka ntira’ng?
5 Ba fetša letšatši ka moka ba mpakela mathata.Dilo ka moka tšeo ba di naganago ka nna, ke tša go nkweša bohloko.
6 Ba ikuta gore ba ntlhasele,Ba dula ba ntebeletšeE le ge ba nyaka go mpolaya.
7 O se sa ba amogela ka baka la mediro ya bona e mebe.
Ba otle o galefile hle Modimo wa ka.
8 Wena o dula o ntebeletše ge ke ralala le lefase.
Ke kgopela gore o tsenye megokgo ya ka ka lepotlelong la gago la mokgopa.
O ngwadile dilo tšeo di ntshwenyago ka pukung ya gago.
9 Letšatšing leo ke go kgopelago gore o nthuše, manaba a ka a tla tšhaba.
Ka baka leo, ke kgodišegile gore Modimo o na le nna.
10 Ke ithekgile ka Modimo e bile ke mo reta ka baka la mantšu a gagwe.Ke ithekgile ka Jehofa e bile ke mo reta ka baka la mantšu a gagwe.
11 Ke tshepile Modimo, ka gona ga ke boife selo.
Motho yena a ka ntira’ng?
12 Modimo wa ka, ke swanetše go phetha dilo tšeo ke go tshepišitšego tšona.Ke tla go direla dihlabelo tša go go leboga,
13 Ka gobane o mphološitše lehungGomme wa dira gore ke se kgopše.E le gore ke tšwele pele ke phela le go sepela pele ga gago wena Modimo.
Mengwalo ya tlase
^ Bona Tlhaloso ya Mantšu.
