Psalme 65:1-13
Ditaelo tšeo di yago go mohlahli. Koša ya Dafida.
65 Wena Modimo, o swanelwa ke go tumišwa kua Tsione.Re tla dira dilo tšeo re go tshepišitšego tšona.
2 Batho ba mehuta ka moka ba tla tla go wena Mokwi wa dithapelo.
3 Melato ya ka e a nkimelaEupša wena o re swarela melato ya rena ka moka.
4 Go thaba yo o mo kgethago gomme wa mmatametša kgauswi le wenaGore a dule ntlong ya gago.
Re tla kgotsofatšwa ke dilo tše dibotse tšeo re di hwetšago ntlong ya gago,Yona tempele ya gago e kgethwa.
5 Wena Modimo yo a re phološago,O tla araba dithapelo tša rena ka go re direla dilo tše di boifišago tša go loka,Batho ka moka bao ba dulago lefaseng ba tla go tshepa,Go akaretša le bao ba dulago kgole ka mošola wa lewatle.
6 O tiišitše dithaba ka matla a gago.O na le matla a magolo.
7 O homotša lešata la mawatle,Wa homotša le maphoto a ona le ditšhaba tšeo di galefilego.
8 Batho bao ba dulago dikarolong tša kgole ba tla tšhošwa ke mediro ya gago.O tla dira gore bao ba tšwago ka bohlabela go fihla ka bodikela ba opele ba thabile.
9 O hlokomela lefase gomme wa dira gore le mediše dilo tše dintšhi,Wa dira le gore mmu o none.
O dirile gore lefase le be le meetse a mantšhi.O dirile se e le gore o fe batho dijo,Ye ke tsela yeo o dirilego lefase ka yona.
10 O neša pula kua mašemong gomme wa batalatša mmu wa gona.O nešetša mmu pula gore o be boleta le gore se sengwe le se sengwe seo se bjalwago go wona se mele se be se gole.
11 O kgabiša ngwaga ka dilo tše dibotse bjalo ka ge eka ke ka mphapahlogo,Moo o fetilego gona o dira gore go šale go na le dilo tše dintšhi tše dibotse.
12 Mafulo ao a lego lešokeng a dula a na le bjang bjo bontšhi,Gomme meboto e dula e thabile kudu.
13 Diphoofolo di tletše gohle nageng gomme di a fula,Le gona meedi e tletše ka dijo.
Naga ka moka e thabile gomme e a opela.
