Psalme 86:1-17
Thapelo ya Dafida.
86 Wena Jehofa, hle ntheetše gomme o arabe thapelo ya ka,Gobane ke tshwenyegile e bile ke a diila.
2 Ntšhireletše gobane ke a botega,
Ka ge o le Modimo wa ka,Mphološe nna mohlanka wa gago, ka gobane ke go tshepile.
3 Nkwele bohloko hle Jehofa,Ka gobane ke go bitša letšatši ka moka.
4 Dira gore nna mohlanka wa gago ke thabe,Ka gobane ke ithekgile ka wena Jehofa.
5 Gobane wena Jehofa o lokile e bile o dula o ikemišeditše go lebalela.Le gona o bontšha lerato le le botegago go bao ba go bitšago.
6 Ke kgopela o theetše thapelo ya ka hle Jehofa,Gomme o ntheetše ge ke kgopela gore o nthuše.
7 Ke tla dula ke go bitša ge ke le tlalelong,Ka gobane o tla nkaraba.
8 Wena Jehofa, ga go na yo a swanago le wena gare ga medimo,E bile ga go na yo a dirilego mediro ya go swana le ya gago.
9 Ditšhaba ka moka tšeo o di dirilego di tla tlaTša go khunamela, wena Jehofa,Gomme di tla tumiša leina la gago.
10 Ka gobane o na le matla e bile o dira dilo tše di makatšago.Ke wena o nnoši o lego Modimo.
11 Nthute ditsela tša gago, hle Jehofa.
E le gore ke sepele therešong ya gago.
Ntire gore ke boife leina la gago ka pelo ka moka.
12 Wena Jehofa Modimo wa ka, ke go reta ka pelo ya ka ka moka,E bile ke tla tumiša leina la gago go ya go ile,
13 Gobane o mpontšhitše lerato la gago le le botegago,O mphološitše e le gore ke se ke ka hwa.*
14 Wena Modimo, banna bao ba ikgogomošago ba lwa le nna.Banna ba sehlogo ba nyaka go mpolaya,E bile ga ba na taba le wena.
15 Eupša wena Jehofa, o Modimo yo a nago le kgaugelo le yo a kwelago bohloko,Ga o galefe ka pela, o na le lerato le le botegago e bile o a tshepega.
16 Nkamogele gomme o nkwele bohloko.
Mphe matla gomme o mphološe,Ka gobane ke go hlankela go swana le ge mma a go hlanketše.
17 Dira gore bao ba ntlhoilego ba bone gore o a nthataGomme o dire gore ba lewe ke dihlong,
Gobane wena Jehofa o a nthuša e bile o a nkhomotša.
Mengwalo ya tlase
^ Goba, “O phološitše bophelo bja ka Lebitleng.” Bona Tlhaloso ya Mantšu.
