Hosea 2:1-23
2 “Botša banabeno o re: ‘Lena le batho ba ka!’
Ke moka o botše dikgaetšedi tša gago o re: ‘Le basadi bao ba gaugetšwego!’
2 Bonang mmago lena molato, mo latofatšeng,Ka gobane ga se mosadi wa ka gomme nna ga ke monna wa gagwe.
O swanetše go tlogela go dira bootswaGomme a tlogele go se sa mpotegela.*
3 Ge a ka se dire bjalo ke tlo mo hlobola ka mo dira gore a be ka mokgwa wo a bego a le ka wona ge a be a belegwa.Ka mo dira gore a swane le lešoka,A be a swane le naga yeo e se nago meetseKe moka a hwe ka lenyora.
4 Bana ba gagwe nka se ba kwele bohloko,Ka gobane o bile le bona ge a be a gweba ka mmele.
5 Mmago bona o be a gweba ka mmele.
O dirile dilo tša go hlabiša dihlong, gobane o itše:‘Ke nyaka go šala baratiwa ba ka morago,Ka gobane ba mpha senkgwa le meetse,Diaparo tša boya le lešela la linene, makhura le beine.’*
6 Ka gona, ke tla thiba tsela ya gagwe ka meetlwa,Ka mo thibela ka maswikaGore a se ke a bona tsela.
7 O tlo kitimiša baratiwa ba gagwe eupša a ka se ba sware.O tlo ba nyaka eupša a ka se ba hwetše.
Ke moka o tla re: ‘Ke tla boela go monna wa ka wa mathomoKa gobane o be a ntshwere gabotse.’
8 Eupša o be a sa lemoge gore ke nna ke mo filego mabele, beine e bose le makhura,Le gore ke nna ke mo filego silifera e ntšhiLe gauta yeo a e dirišeditšego go rapela Baali.
9 ‘Ka gona ke tla boa ka mo tšeela mabele a ka a sa re o a a buna,Le beine ya ka e bose a sa re o a e dira,Ka mo amoga diaparo tša ka tša boya le lešela la linene tšeo a bego a di apara gore batho ba se mmonele.
10 Ke tla mo hlobola ditho tša gagwe tša šala nyanyeng baratiwa ba gagwe ba mo lebeletše.Go ka se be le motho yo a tlago go mo phološa seatleng sa ka.
11 Ke tla dira gore a se sa thabela selo,A se sa thabela menyanya ya gagwe, dikgwedi tše diswa, disabatha le dinako ka moka tšeo a bago le menyanya.
12 Ke tla senya meterebe ya gagwe le mego ya gagwe yeo a boletšego ka yona a re:
“Dilo tše ke di filwe ke baratiwa ba ka ba mpatela ka tšona.”Ke tla di fetoša sethokgwa,Gomme dibata di tla di ja.
13 Ke tla mmona molato ka gobane o be a direla diswantšho tša Baali dihlabelo,*A tšhepha ka mangina le dilo tše dingwe tša go ikgabiša e bile a šetše baratiwa ba gagwe morago,Eupša nna a ntebetše,’ o realo Jehofa.
14 ‘Ke tla mo gapeletša gore a sepele,Ka mo iša lešokeng,Ka mo kgothaletša gore a fetoge.
15 Ka morago ga moo, ke tla mmušetša dirapa tša gagwe tša meterebe,Ke moka Moedi wa Akore o tla ba tsela ya go mo tsenya nageng ya kholofetšo.O tla nkaraba a le moo go swana le mehleng ya boswa bja gagwe,Go swana le ge a be a etšwa nageng ya Egepeta.’
16 Letšatšing leo, nna Jehofa ke tla re go yena:‘O tla mpitša Monna wa ka, o ka se sa hlwa o mpitša Mong wa ka.’
17 ‘Nka se sa mo dumelela a bolela maina a diswantšho tša Baali,E bile a ka se sa hlwa a gopola maina a tšona.
18 Letšatšing leo, ke tla direla batho ba ka kgwerano le dibata,Dinonyana le digagabi,Ka fediša dintwa nagengGomme ka dira gore ba dule ba šireletšegile.
19 Ke tla go beeletša gore o be wa ka go ya go ile,Ke go tshepiša gore ke tla go direla dilo tše di lokilego,Ka go bontšha lerato* le kgaugelo.
20 Ke go tshepiša gore ke tla go botegelaGomme o tla tseba gore ke nna Jehofa.’
21 Jehofa o re: ‘Letšatšing leo,Ke tla nea magodimo seo a se kgopelago,Gomme ona a tla nea lefase seo le se kgopelago.
22 Lefase lona le tla tšweletša mabele, beine e mpsha le makhura,Gomme batho ba Jeseriele* ba tla hwetša seo ba se kgopetšego.
23 Ke tla bjala Jeseriele bjalo ka peu lefaseng,Ke tla kwela bohloko yo a sa kago a kwelwa bohloko,Ka botša bao e sego batho ba ka ka re: “Le batho ba ka,”
Gomme bona ba tla re go nna: “O Modimo wa rena.”’”
Mengwalo ya tlase
^ Phetolelo ya lentšu ka lentšu e re, “a tloše ditiro tša bohlotlolo magareng ga matswele a gagwe.”
^ Phetolelo ya lentšu ka lentšu e re, “seno.”
^ Phelolelo ya lentšu ka lentšu e re, “ka baka la matšatši ka moka ao a bego a direla diswantšho tša Baali dihlabelo.”
^ Goba, “lerato le le botegago.”
^ Leina le le ra gore, “Modimo o tla Bjala Peu.”
