Hosea 3:1-5
3 Jehofa o boletše le nna a re: “Boela o rate mosadi wa gago yo a ratanago le monna yo mongwe, e bile a dira bootswa le yena, go etša ge Jehofa a rata Baisiraele le ge ba rapela medimo e mengwe e bile ba rata diterebe tše di omišitšwego.”*
2 Ke moka ka ya ka ithekela yena ka ditsekana tše 15 tša silifera le ka sebjana* setee sa mabele* le seripa.
3 Ke moka ka re go yena: “O tla ba wa ka ka matšatši a mantšhi. O se ke wa gweba ka mmele, o se ke wa robala le monna yo mongwe. Le nna nka se robale le wena.”
4 Ka gobane Baisiraele ba tla fetša nako e telele ba se na kgoši, ba se na mmuši, ba se na sehlabelo, ba se na philara e kgethwa, ba se na efoda* le modingwana wa lapa.*
5 Mehleng ya bofelo, Baisiraele ba tlo boa ba nyaka Jehofa Modimo wa bona le Dafida kgoši ya bona. Le gona, ba tla tla go Jehofa ka ge ba mmoifa e bile ba nyaka gore a ba šegofatše.
Mengwalo ya tlase
^ Diterebe tše di be di setlwa goba di šilwa gotee gore dibopege go swana le dikuku. Di be di dirišwa borapeding bja maaka.
^ Ka Seheberu ke “homere,” yeo e ka bago dilithara tše 220.
^ Phetolelo ya lentšu ka lentšu e re, “garase.”
^ Bona seswantšho go Dit. B5.
^ Phetolelo ya lentšu ka lentšu e re, “terafimi.”
