Hosea 5:1-15
-
Efuraimi le Juda di a ahlolwa (1-15)
5 “Ekwang se lena baperisita,Theetšang lena ba ntlo ya Isiraele,Hlwayang tsebe lena ba ntlo ya kgoši,Gobane le tlo ahlolwa,Ka ge le le molaba go MitsipaE bile le swana le nete ya go rea dihlapi yeo e phatlaletšego Thabora.
2 Bao ba ntlhanogetšego ba swaregile ka go hlaba dihlabelo tša diphoofolo,*Gomme ke ba lemošitše ka moka ga bona.
3 Nna ke tseba Efuraime,Gomme Isiraele e ka se nkhutele.
Wena Efuraime, o itshwere gampe ka tša thobalano,Gomme Isiraele e itšhilafaditše.
4 Dilo tšeo ba di dirago ga di ba dumelele gore ba boele go Modimo wa bona,Ka gobane ba dula ba naganne ka go gweba ka mmele.E bile ga ba lemoge gore nna Jehofa ke Modimo wa bona.
5 Boikgantšho bja Isiraele bo hlatsetše gore ga se ya loka.Isiraele le Efuraime di wele ka baka la phošo ya tšona,Gomme Juda e wele le tšona.
6 Ba diretše Jehofa dihlabelo ka mehlape ya bona ya dinku le ya dikgomo e le gore a ba amogele,Eupša ga se a ba amogela.
O be a le kgole le bona.
7 Ba radiile Jehofa,Ka gobane ba itirile botate go barwa bao ba sa rapelego Modimo.
Bona le dinaga tšeo ba di abetšwego ba tla fedišwa ka kgwedi e tee.
8 Letšang naka Gibea, le letše phalafala Rama!
Hlabang mokgoši wa ntwa Bethe-abene. Benjamini, re ete pele!
9 Wena Efuraime, letšatšing leo o otlwago, batho ba tlo tšhoga.
Ke boditše meloko ya Isiraele seo se tlago go e diragalela.
10 Baetapele* ba Juda ba swana le batho bao ba oketšago mellwane ya naga ya bona.
Ke tla ba otla kudu gwa ba bjalo ka ge eka ba gogolwa ke meetse a mantšhi.
11 Efuraime e gateletšwe e bile e swanetše go fedišwaKa gobane e be e ikemišeditše go kwana le lenaba la yona.
12 Ke tla ja Efuraime go swana le ge mohlwa o eja kotaGomme ka dira gore Juda e bole ka tsela yeo kota e bolago ka yona.
13 Ge Efuraime a bona gore o a babja, gomme Juda a bona sešo sa gagwe,Efuraime o ile a romela baromiwa go kgoši e matla ya Asiria.
Eupša e ile ya palelwa ke go le fodiša,Le go alafa sešo sa lena.
14 Ke tla swana le tawana go Efuraime.E bile ke tla swana le tau e matla go ba ntlo ya Juda.
Ke tla ba rathaganya.Ka ya ka ba rwala, e bile go ka se be le motho yo a tlago go ba phološa.
15 Ke tlo boela lefelong la ka go fihlela ba lefa molato wa bona.Ba tlo nyaka gore ke ba gaugele.
Ge ba le mathateng ba tlo nyaka gore ke ba thuše.”
Mengwalo ya tlase
^ Goba, “go bolaya batho.”
^ Phetolelo ya lentšu ka lentšu e re, “dikgošana, goba barwa ba dikgoši.”
