Jesaya 31:1-9
31 Go madimabe bao ba theogelago Egepeta gore ba yo nyaka thušo,Bao ba tshepilego dipere,Bao ba tshepilego dikariki tša ntwa ka gobane e le tše dintšhi kudu,Le dipere tša ntwa ka gobane di na le matla,
Eupša ga ba tshepe Modimo yo Mokgethwa wa Isiraele,E bile ga ba tsome Jehofa.
2 Yena o bohlale e bile o tla tliša masetlapelo,Le gona o tla phetha seo a se boletšego.
O tla lwa le batho bao ba dirago dilo tše mpe,A ba a lwa le bao ba thušago batho bao ba dirago dilo tše mpe.
3 Baegepeta bona e no ba batho, o ka se ba bapetše le Modimo.Dipere tša bona e no ba diphoofolo, ga se dibopiwa tša moya.
Ge Jehofa a otlolla seatla sa gagwe,Setšhaba seo se thušago se sengwe se tlo kgopša,Gomme setšhaba seo se thušwago se tlo wa,Ditšhaba tšeo ka bobedi di tlo fedišwa ka nako e tee.
4 Jehofa o mpoditše a re:
“Go no swana le ge tau e nyenyane e matla e bopa ka ge e bolaile phoofolo,E ka se tšhošwe le ke badiši ba bantšhi bao ba tlilego go tlo e raka,E bile e ka se tšhošwe ke ge badiši bao ba goeletša,Goba ya hlakahlakanywa ke lešata la bona.Le Jehofa wa madira o tla tla ka tsela e swanago,Ge a tlo lwela Thaba ya Tsione le mmoto wa yona.
5 Jehofa wa madira o tla šireletša Jerusalema go no swana le ge nonyana e phurolla maphego e šireletša mafotwana a yona.
O tla e lwela a ba a e hlakodiša.
O tla e šireletša a ba a e phološa
6 “Lena setšhaba sa Isiraele, boelang go yo le mo hlanogetšego.
7 Ka gobane letšatšing leo yo mongwe le yo mongwe o tla lahla medimo ya gagwe yeo e se nago mohola ya silifera, a lahla le medimo ya gagwe yeo e se nago mohola ya gauta, yeo le dirilego sebe ka go e dira.
8 Baasiria ba tla bolawa ka sabola, eupša e sego sabola ya motho,Ruri ba tla fetšwa ke sabola yeo e sego ya motho.
Ba tla tšhaba ka baka la sabola,Gomme masogana a bona a tlo gapeletšwa go dira mošomo o thata.
9 Leswika la bona le legolo le tla hwelela ka baka la letšhogo,Gomme baetapele ba bona ba tla tšhošwa ke kota yeo e nago le folaga,” se ke seo se bolelwago ke Jehofa,Yoo seetša sa gagwe se lego Tsione, le yoo sebešo sa gagwe se lego Jerusalema.
