Jesaya 4:1-6
4 Ke moka letšatšing leo basadi ba šupago ba tla swara monna o tee, ba re:
“Rena re tla itlhokomelaKa dijo le diaparo,Re kgopela feela gore re be basadi ba gago,*Gore re se sa segwa ke batho ka ge re se ra nyalwa.”
2 Letšatšing leo Jehofa o tla dira gore dimela tšeo a di hlogišago e be tše dibotse le tšeo di kgahlišago, gomme Baisiraele ba ba phologilego ba tla ikgantšha le go thaba ka baka la dienywa tša naga.
3 Bao ba šetšego Tsione le bao ba šetšego Jerusalema, e lego batho ka moka ba Jerusalema bao maina a bona a ngwadilwego ka pukung gore ba tšwele pele ba phela, e tla ba ba bakgethwa go Modimo.
4 Nakong ya ge Jehofa a hlatswa ditšhila tša barwedi ba Tsione, o tla bontšha gore o tla be a galefetše batho ba Jerusalema e bile o tla ba ahlola, ka go dira bjalo o tla be a phumola madi ao a tšholotšwego motseng woo.
5 Jehofa o tla dira le gore Thaba ka moka ya Tsione le lefelo leo ba bokanago go lona le be le leru le muši mosegare, gomme bošego le be le mollo o tukago, ka gobane dilo ka moka tšeo di nago le letago di tla be di šireletšegile.
6 Le gona go tla ba le mošašana wo o dirago moriti mosegare ge letšatši le fiša, le moo motho a ka tšhabelago gona le go šireletšega gona ge go na le madimo le ge dipula di ena.
Mengwalo ya tlase
^ Phetolelo ya lentšu ka lentšu e re, “Re dumelele gore re bitšwe ka leina la gago.”
