Joshua 15:1-63
15 Naga yeo e abetšwego moloko wa Juda go ya ka malapa a yona e be e fihla mollwaneng wa Edomo, lešokeng la Tsini, le go yela mafelelong a Negebe ka borwa.
2 Mollwane wa bona wa ka borwa o be o tloga mo go felelago Lewatle la Letswai,* ke gore go tloga mafelelong a lona ka borwa.
3 Ke moka o be o leba ka borwa go ya mmotong wa Akirabimi gomme o fetela Tsini, o rotoga ka borwa o eya Kadeshe-baranea o fetela Hetserone, o rotogela Adare gomme o rarela ka Kareka.
4 Ke moka wa fetela Atsimona wa leba Moeding* wa Egepeta gomme wa goma ka Lewatle.* Wo e be e le mollwane wa bona wa ka borwa.
5 Mollwane wa ka bohlabela o be o tloga ka Lewatle la Letswai o fihla moo Noka ya Jorodane e felelago gona, gomme mollwane wo o lego khoneng ya ka leboa o be o le moo lewatle le felelago gona, ke gore moo Noka ya Jorodane e felelago gona.
6 Mollwane o be o rotogela Bethe-hogola o fetela leboa la Bethe-araba gomme wa rotogela leswikeng la Bohani morwa wa Rubeni.
7 Mollwane o be o rotogela Debiri Moeding wa Akore gomme wa ya ka leboa la Giligala, yeo e lebanego le mmoto wa Adumima, yeo e bego e le ka borwa bja moedi. Mollwane o be o fetela sedibeng sa Ene-shemeshe gomme o goma ka Ene-rogele.
8 Mollwane o be o rotogela Moeding wa morwa wa Hinomo o leba motheogeng wa Jebusi ka borwa, ke gore Jerusalema, ke moka o rotogela godimo ga thaba yeo e lebanego le Moedi wa Hinomo ka bodikela, yeo e lego mafelelong a Moedi wa Barefaimi ka leboa.
9 Mollwane o be o swailwe go tloga ka godimo ga thaba go ya sedibeng sa Nefotoa, o leba metseng ya Thabeng ya Efurone, le gona o be o swailwe go fihla ka Baala, ke gore, Kiriathe-jearima.
10 Mollwane o be o rarela go tloga ka bodikela bja Baala go ya Thabeng ya Seire gomme wa fetela motheogeng wa Thaba ya Jearima ka leboa, ke gore Kesaloni, e bile o be o theogela Bethe-shemeshe wa fetela Thimina.
11 Le gona, mollwane o be o leba motheogeng wa Ekirone go ya ka leboa gomme o swailwe go fihla ka Shikerone, o fetela Thabeng ya Baala e bile o leba Jabiniele. Mollwane wo o be o goma lewatleng.
12 Mollwane wa ka bodikela o be o le moo Lewatle le Legolo le felelago gona. Wo e be e le mollwane wo o dikologilego naga ya ditlogolo tša Juda go ya ka malapa a tšona.
13 Joshua o ile a nea Kalebe morwa wa Jefune naga gare ga bana ba Juda go ya kamoo Jehofa a bego a laetše Joshua ka gona, e lego Kiriathe-araba (Araba e be e le tatago Anaki), ke gore Heburone.
14 Ka gona Kalebe a raka barwa ba bararo ba Anaki moo, e lego Sheshai, Ahimane le Talamai, bao e bego e le Baanaki.
15 Ka morago ga moo o ile a rotogela Debiri ke moka a lwa le badudi ba moo. (Pele ga moo Debiri e be e bitšwa Kiriathe-sefere.)
16 Ke moka Kalebe a re: “Monna yo a ka hlaselago Kiriathe-sefere gomme a e fenya ya ba ya gagwe, ke tla mo nea Akisa morwedi wa ka gore e be mosadi wa gagwe.”
17 Ka morago Othiniele morwa wa Kenase, moratho wa Kalebe, a e fenya ya ba ya gagwe. Ke moka Kalebe a mo nea Akisa morwedi wa gagwe gore e be mosadi wa gagwe.
18 Ge Akisa a le tseleng ya go ya gae, a dulela go kgopela Othiniele gore a kgopele tšhemo go Kalebe tatagwe.* Ka morago Akisa a fologa tonki yeo a bego a e nametše.* Ke moka Kalebe a re go yena: “O nyaka’ng?”
19 Yena a re: “Ke kgopela o ntšhegofatše, ka ge o mphile karolo ya naga yeo e lego ka thoko ya borwa,* ke kgopela o mphe le Gulothe-maima.” Ka gona Kalebe a mo nea Gulothe ya Godimo le Gulothe ya Tlase.
20 Bohwa bja moloko wa Juda go ya ka malapa a wona ke bjo:
21 Metse yeo e bego e le mo go felelago naga ya moloko wa Juda go ya mollwaneng wa Edomo ka borwa e be e le: Kabatsiele, Edere, Jaguru,
22 Kina, Dimona, Adada,
23 Kedeshe, Hatsora, Ithinani,
24 Tsifi, Telema, Bealothe,
25 Hatsora-hadatha, Keriothe-hetserone, ke gore Hatsora,
26 Amami, Shema, Molada,
27 Hatsara-gada, Heshimone, Bethe-pelete,
28 Hatsara-shuali, Beresheba, Bitsiothia,
29 Baala, Iyema, Etseme,
30 Elitholada, Kesila, Horoma,
31 Tsikilaga, Madimana, Sanisana,
32 Lebaothe, Shilihime, Aini le Rimone. E be e le metse e 29 le metsana ya yona.
33 Kua Shefela e be e le Eshithaolo, Tsora, Ashina,
34 Tsanoa, Ene-ganime, Thapua, Enama,
35 Jaramuthe, Adulama, Soko, Aseka,
36 Shaaraima, Adithaima le Gedera gotee le Gederothaima.* E be e le metse e 14 le metsana ya yona.
37 Tsenana, Hadasha, Migidala-gada,
38 Dileana, Mitsipa, Jokothiele,
39 Lakishi, Botsikathe, Egilone,
40 Kabone, Lahamami, Khithilishi,
41 Gederothe, Bethe-dagona, Naema le Makeda. E be e le metse e 16 le metsana ya yona.
42 Libina, Ethere, Ashani,
43 Ifitha, Ashina, Netsiba,
44 Keila, Akatsibe le Maresha. E be e le metse e senyane le metsana ya yona.
45 Ekirone, metse ya kgauswi le yona le metsana ya yona.
46 Go tloga ka bodikela bja Ekirone, metse ka moka le metsana ya yona yeo e lego kgauswi le Ashidodo.
47 Ashidodo, metse ya kgauswi le yona le metsana ya yona. Gatsa, metse ya kgauswi le yona le metsana ya yona, go fihla ka Moedi wa Egepeta, Lewatle le Legolo le naga yeo e bego e le kgauswi le lona.
48 Metseng ya dithabeng e be e le Shamire, Jathiri, Soko,
49 Dana, Kiriathe-sana, ke gore Debiri,
50 Anaba, Eshithemo, Anima,
51 Goshene, Holoni le Gilo. E be e le metse e 11 le metsana ya yona.
52 Arabia, Duma, Eshane,
53 Janime, Bethe-thapua, Afeka,
54 Humutha, Kiriathe-araba, ke gore Heburone, le Tsioro. E be e le metse e senyane le metsana ya yona.
55 Maoni, Karamele, Tsifi, Juta,
56 Jeseriele, Jokodeama, Tsanoa,
57 Kaina, Gibea le Thimina. E be e le metse e lesome le metsana ya yona.
58 Halahulu, Bethe-tsuri, Gedora,
59 Maarathe, Bethe-anothe le Elithekoni. E be e le metse e tshelelago le metsana ya yona.
60 Kiriathe-baali, ke gore Kiriathe-jearima le Raba. E be e le metse e mebedi le metsana ya yona.
61 Kua lešokeng e be e le Bethe-araba, Medina, Sekaka,
62 Nibishani, Motse wa Letswai le Enegedi. E be e le metse e tshelelago le metsana ya yona.
63 Banna ba Juda ga se ba kgona go raka Bajebusi bao ba bego ba dula Jerusalema, ka gona Bajebusi ba sa dula le Bajuda kua Jerusalema go fihla le lehono.
Mengwalo ya tlase
^ Ke gore, “Lewatle le le Hwilego.”
^ Bona Tlhaloso ya Mantšu.
^ Ke gore, “Lewatle le Legolo la Mediterranean.”
^ Kalebe ke tatago Akisa.
^ Goba mohlomongwe, “o ile a phaphatha diatla a nametše tonki.”
^ Goba, “Negebe.”
^ Goba mohlomongwe, Gedera le mašaka a yona a dinku.
