Nahume 2:1-13
2 Wena Ninife, yo a gašanyago o tlile go lwa le wena.
Ka gona letang maboto.
Hlokomelang ditsela.
Itokišeng* gomme le tieng matla.
2 Jehofa o tla tsošološa dilo tšeo Jakobo a ikgantšhago ka tšona,Le tšeo Isiraele e ikgantšhago ka tšona.Ka gobane manaba a bona a sentše naga ya bona,E bile a sentše le makala a meterebe ya bona.
3 Dikotse tša manaba a Ninife di pentilwe ka mmala o mohwibidu.Mašole a gona a apere diaparo tše dihwibiduhwibidu bjalo ka letsoku.
Ditšhipi tša dikariki tša bona tša ntwa di phadima bjalo ka molloLetšatšing leo ba itokišeletšago ntwa,Gomme mašole a dikološa marumo ao a dirilwego ka kota ya mojunipere.
4 Dikariki tša ntwa di kitima ka bogaswi diterateng.
Di ya godimo le fase mebarakeng.
Di phadima go swana le mabone e bile di gadima bjalo ka magadima.
5 Kgoši e tla bitša matona a yona.
Matona ao a tla tšama a kgopša ge a eya go yona.
A tla kitimela mabotong a motseGomme a šireletša motse go manaba.
6 Dinoka di tla bulegaGomme ntlo ya mošate e tla fedišwa.
7 Go tšwele taelo yeo e rego: Batho bao ba dulago motseng wo, ba tlontlolotšwe.Ba dirilwe makgobaGomme basetsana bao ba makgoba ba lla gabohloko go swana le maeba ge ba dutše ba ipetha dihuba.
8 Go tloga kgale, Ninife e be e dutše e le bjalo ka letamoEupša gona bjale batho ba a tšhaba.
Ba bangwe ba goeletša ba re Emang! Emang!
Eupša ga go na yo a retologago.
9 Ba amogeng silifera le ba amogeng le gauta!
Ka gobane mahumo a bona ke a mantšhi
E bile ba na le dilo tše dintšhi kudu tše bohlokwa.
10 Motse ga o sa na selo. O senyegile e bile o šwalalane.
Batho ba tla tšhoga kudu, matolo a bona a a tekateka gomme matheka a bona a kwa bohloko kudu.Difahlego tša bona di bontšha gore ba tšhogile.
11 Go diragetše’ng ka motse wo o bego o swana le lewa la ditau,Moo ditawana di bego di eja gona,Moo tau e bego e sepela le bana ba yona e bile go se na motho yo a di tšhošago?
12 Tau e be e rathagantšhetša bana ba yona diphoofolo tšeo e bego e di bolaile,E bile e bolaya diphoofolo tše dingwe gore e di fe ditau tša yona tše tshadi.
Le gona, e be e dula e tladitše melete ka diphoofolo tšeo e di bolailego.E tladitše lewa la yona ka diphoofolo tšeo di rathaganego.
13 Jehofa wa madira o re: “Bona! Ke tla lwa le wena,Gomme ke tla fiša kariki ya gago ya ntwa, gwa tupa muši.Ditawana tša gago tše ditona di tla fedišwa ka tšhoša.
Ke tla fediša diphoofolo tšeo o di bolayago lefaseng.Baromiwa ba gago ba ka se sa kwagala.”
Mengwalo ya tlase
^ Phetolelo ya lentšu ka lentšu e re, “Itlemeng matheka.”
