Nehemia 10:1-39
10 Bao ba ilego ba saena taba yeo go kwanwego ka yona e be e le
Nehemia yo e bego e le mmuši, yena morwa wa Hakalia, leTsedekia,
2 Seraya, Asaria, Jeremia,
3 Pashuri, Amaria, Malakiya,
4 Hatushi, Shebania, Maluka,
5 Harima, Meremothe, Obadia,
6 Daniele, Ginethoni, Baruke,
7 Meshulama, Abija, Mijamini,
8 Maasia, Biligai le Shemaya, banna ba ka moka e be e le baperisita.
9 Balefi bona e be e le Jeshua morwa wa Asaniya, Binui yo e bego e le yo mongwe wa barwa ba Henadada, Kadimiele,
10 le banababo bona e lego Shebania, Hodia, Kelita, Pelaya, Hanana,
11 Mikha, Rehobo, Hashabia,
12 Sakuri, Sherebia, Shebania,
13 Hodia, Bani le Beninu.
14 Baetapele ba setšhaba bona e be e le Paroshe, Pahathe-moaba, Elama, Sathu, Bani,
15 Buni, Asikadi, Bebai,
16 Adonija, Bigifai, Adine,
17 Atere, Hesekia, Atsuri,
18 Hodia, Hashuma, Betsai,
19 Harifa, Anathothe, Nebai,
20 Magapiashe, Meshulama, Hesiri,
21 Meshesabele, Tsadoko, Jadua,
22 Pelatia, Hanana, Anaya,
23 Hoshea, Hanania, Hasishubi,
24 Haloheshe, Piliha, Shobeke,
25 Rehuma, Hashabana, Maaseya,
26 Ahija, Hanana, Anane,
27 Maluka, Harima le Baena.
28 Go batho ba bangwe ka moka, go be go na le baperisita, Balefi, batho bao ba letago dikeiting, diopedi, batho bao ba hlankelago tempeleng le batho ka moka bao ba ikarotšego ditšhabeng tše dingwe gore ba latele Molao wa Modimo wa nnete, le basadi ba bona, barwa ba bona, barwedi ba bona le batho ka moka bao ba bego ba kgona go kwešiša taba yeo go kwanwego ka yona.
29 Batho ba ka moka ba ile ba kwana le banababo bona, e lego banna ba bagolo ba gabo bona, gomme ba tshepiša gore ba tla latela Molao wa Modimo wa nnete e bile ba kgopela Modimo gore a ba otle ge e ba ba se ba o latela. Ba ile ba dumela gore ba tla kwa Molao wo Modimo wa nnete a ba neilego wona a diriša Moshe mohlanka wa gagwe, ba ena le gore ba tla kwa ditaelo ka moka le melao ya Jehofa Morena wa rena.
30 Ba ile ba ena ba re: “Re ka se nyadiše barwedi ba rena le batho ba ditšhaba tša dinaga tše dingwe, e bile re ka se tšee barwedi ba bona gore ba nyalwe ke barwa ba rena.
31 Ge batho ba ditšhaba tše dingwe ba ka rekiša dilo le mehuta ka moka ya dijo ka letšatši la Sabatha goba ka letšatši le lengwe le lekgethwa, re ka se di reke. Le gona, ka ngwaga wa bošupa re ka se leme le go buna e bile re tla phumola dikoloto ka moka tšeo re sego ra tšwa re di patelwa.
32 Re ile ra itlama gore ngwaga o mongwe le o mongwe, yo mongwe le yo mongwe wa rena o tla neela tšhelete ya silifera yeo e imelago digrama tše nne* gore a thekge tirelo ya ntlong ya Modimo wa rena,
33 e le gore go dirwe dilo tše di latelago: Dinkgwa tše di hlatlagantšwego, dibego tša mabele le tša go fišwa tša Disabatha le tša ge go tšwelela ngwedi o moswa, tša menyanya, tša dilo tše kgethwa gotee le dibego tša sebe tša gore Baisiraele ba lebalelwe dibe le gore go tle go dirwe mošomo ka moka wa ntlong ya Modimo wa rena.
34 Le gona re ile ra dira matengwa gore re tsebe gore ke neng mo ngwageng moo lapa le lengwe le lengwe la baperisita, Balefi le setšhaba ba swanetšego go tliša dikgong ntlong ya Modimo wa rena ngwaga o mongwe le o mongwe. Dikgong tšeo di tlo fišwa aletareng ya Jehofa Modimo wa rena go ya ka seo se ngwadilwego molaong.
35 Le gona ngwaga o mongwe le o mongwe re tlo tliša le dilo tšeo re di bunnego pele mašemong a rena le dienywa tšeo di butšwitšego pele tša mehlare ya mehuta ka moka ntlong ya Jehofa.
36 Re tla tliša le bana ba rena ba mathomo le maitšibulo a rena a dikgomo, dinku le dipudi tša rena go ya ka seo se ngwadilwego Molaong. Re tla a tliša ntlong ya Modimo wa rena, go baperisita bao ba hlankelago ntlong ya Modimo wa rena.
37 Re tla iša folouru yeo e dirilwego ka mabele a pele, meneelo ya rena le dienywa tša mehlare ya mehuta ka moka, beine e mpsha le makhura a maswa, go baperisita bao ba lego ka diphapošing tša go bolokela dilo tša ntlong ya Modimo wa rena, re tla išetša le Balefi karolo ya lesome ya dilo tšeo re di bunnego mašemong a rena ka ge Balefi e le bona ba amogelago karolo ya lesome ya dilo tšeo di lengwago metseng ya rena ka moka.
38 Moperisita yo e lego morwa wa Arone o swanetše gore a be le Balefi ge ba amogela karolo ya lesome. Karolong yeo ya lesome Balefi ba tšee karolo ya lesome ba iše ntlong ya Modimo ka diphapošing tšeo go bewago dilo.
39 Baisiraele le Balefi ba tliše moneelo wa mabele, wa beine e mpsha le wa makhura a maswa ka diphapošing tša go bolokela dilo. Mo ke moo go bego go na le dibjana tša sekgethwa, e bile ke moo go bego go dula baperisita bao ba bego ba hlankela ka tempeleng, batho ba go leta dikeiting le diopedi. Re ikemišeditše go dula re hlokomela ntlo ya Modimo wa rena.
Mengwalo ya tlase
^ Phetolelo ya lentšu ka lentšu e re, “karolo ya boraro ya shekele.” Shekele e tee e lekana le digrama tše 11,4. Bona Dit. B14.
