Nehemia 11:1-36
-
Jerusalema e dulwa ke batho gape (1-36)
11 Bjale dikgošana tša setšhaba di be di dula Jerusalema, eupša setšhaba sona se ile sa dira matengwa gore go malapa a mangwe le a mangwe a lesome go kgethwe lapa letee gore le tle le dule motseng o mokgethwa wa Jerusalema, gomme malapa a senyane ao a šetšego a dule metseng e mengwe.
2 Ka gona setšhaba se ile sa reta banna ka moka bao ba ilego ba ithaopela go yo dula Jerusalema.
3 Ba ke baetapele ba profense ya Juda bao ba ilego ba dula Jerusalema. (Setšhaba ka moka sa Baisiraele, baperisita, Balefi, batho bao ba hlankelago ka tempeleng le barwa ba bahlanka ba Solomone, ba ile ba dula metseng e mengwe ya Juda, gomme yo mongwe le yo mongwe wa bona a dula mo a abetšwego gona motseng wa gabo.
4 Le gona Jerusalema go ile gwa dula le batho ba bangwe ba moloko wa Juda le wa Benjamini.) Go ba moloko wa Juda e be e le Athaya morwa wa Usia morwa wa Sakaria morwa wa Amaria morwa wa Shefatia morwa wa Mahalalele yo a tšwago lapeng la Peretse,
5 le Maaseya morwa wa Baruke morwa wa Kolihose morwa wa Hasaya morwa wa Adaya morwa wa Joyariba morwa wa Sakaria yo a tšwago lapeng la Bashela.
6 Barwa ka moka ba Peretse bao ba bego ba dula Jerusalema e be e le ba 468 (makgolonne-masometshela-seswai), e le banna ba matla.
7 Bjale ba bangwe ba moloko wa Benjamini e be e le Sallu morwa wa Meshulama morwa wa Joede morwa wa Pedaya morwa wa Kolaya morwa wa Maaseya morwa wa Ithiele morwa wa Jeshaya,
8 yena o be a latelwa ke ba lapa la Gabai le Salai, e le ba 928 (makgolosenyane-masomepedi-seswai)
9 gomme Joele morwa wa Sikiri e be e le yena a ba eteletšego pele mo motseng ke moka Juda morwa wa Hasenua yena o be a mo latela ka maemo.
10 Go baperisita e be e le Jedaya morwa wa Joyariba, Jakine,
11 Seraya morwa wa Hilikia morwa wa Meshulama morwa wa Tsadoko morwa wa Merayothe morwa wa Ahitubo yo e bego e le moetapele ntlong ya Modimo wa nnete,
12 le banababo bona ba 822 (makgoloseswai-masomepedi-pedi) bao ba bego ba šoma tempeleng, le Adaya morwa wa Jerohama morwa wa Pelalia morwa wa Amisi morwa wa Sakaria morwa wa Pashuri morwa wa Malakiya,
13 le banababo bao e lego dihlogo tša malapa a botatago bona e le ba 242 (makgolopedi-masomenne-pedi) le Amashasai morwa wa Asarele morwa wa Ahasai morwa wa Meshilemothe morwa wa Imere,
14 gotee le banababo bao e bego e le banna ba matla le bao ba nago le sebete, e le ba 128 (lekgolo-masomepedi-seswai), gomme bona ba be ba eteletšwe pele ke Sabadiele yo a tšwago lapeng leo le hlomphegago.
15 Go Balefi e be e le Shemaya morwa wa Hasishubi morwa wa Aserikama morwa wa Hashabia morwa wa Buni,
16 le Shabethai gotee le Josabadi bao e lego ba bangwe ba baetapele ba Balefi bao ba bego ba eteletše pele mošomo wo o bego o dirwa ka ntle ga ntlo ya Modimo wa nnete,
17 le Matania morwa wa Mika morwa wa Sabadi morwa wa Asafa, yo a bego a eteletše pele sehlopha sa diopedi le yo a bego a fela a etelela pele nakong ya thapelo, le Bakabukia yo e bego e le mothuši wa gagwe gotee le Abeda morwa wa Shamua morwa wa Galala morwa wa Jeduthune.
18 Balefi ka moka ba motseng o mokgethwa wa Jerusalema e be e le ba 284 (makgolopedi-masomeseswai-nne).
19 Ke moka batho bao ba bego ba leta dikeiting e be e le Akuba, Talamoni le banababo bona bao le bona ba bego ba leta dikeiting, gomme ka moka ga bona e be e le ba 172 (lekgolo-masomešupa-pedi).
20 Ge e le Baisiraele ka moka, baperisita le Balefi, ba be ba dula metseng e mengwe ka moka ya Juda, gomme yo mongwe le yo mongwe a dula lefelong leo a abetšwego go lona.
21 Batho bao ba bego ba hlankela ka tempeleng ba be ba dula Ofele, gomme ba be ba eteletšwe pele ke Siha le Gishipa.
22 Motho yo a bego a eteletše pele Balefi kua Jerusalema e be e le Usi morwa wa Bani morwa wa Hashabia morwa wa Matania morwa wa Mikha wa lapa la Asafa, bao e lego diopedi. Usi o be a eteletše pele mošomo wa ntlo ya Modimo wa nnete.
23 Kgoši e be e ntšhitše taelo ya gore diopedi di hlokomelwe letšatši le letšatši ka dilo tšeo di di hlokago.
24 Phethahia morwa wa Meshesabele yo a tšwago lapeng la Tsera yo e lego morwa wa Juda o be a eletša kgoši ditabeng ka moka tša setšhaba.
25 Ye ke metse yeo batho ba bangwe ba moloko wa Juda ba dutšego go yona: Kiriathe-araba le metse yeo e lego kgauswi le yona, Diboni le metse yeo e lego kgauswi le yona, Jekabatsiele le metsana ya yona,
26 Jeshua, Molada, Bethe-pelete,
27 Hatsara-shuali, Beresheba le metse yeo e lego kgauswi le yona,
28 Tsikilaga, Mekona le metse yeo e lego kgauswi le yona,
29 Ene-rimoni, Tsora, Jaramuthe,
30 Tsanoa, Adulama le metsana ya yona, Lakishi le mašemo a yona le Aseka le metse yeo e lego kgauswi le yona. Ba ile ba dula go tloga Beresheba go fihla Moeding wa Hinomo.
31 Ba bangwe ba moloko wa Benjamini bona ba be ba dula Geba, Mikimashe, Aya, Bethele le metseng yeo e lego kgauswi le yona,
32 Anathothe, Nobe, Ananiya,
33 Hatsora, Rama, Githaima,
34 Hadidi, Tseboima, Nebalathe,
35 Lodi le Ono, e lego moeding wa ditsebi tša mošomo wa diatla.*
36 Le gona dihlopha tše dingwe tša moloko wa Lefi tšeo mathomong di bego di dula tikologong ya Juda, di ile tša abelwa gore di dule tikologong ya Benjamini.
Mengwalo ya tlase
^ Goba mohlomongwe “Ono le moeding wa ditsebi tša mošomo wa diatla.”
