Sefela sa Difela 1:1-17
-
Kopelo e phalago tšohle (1)
-
Ngwanenyana wa Moshulami (2-7)
-
Barwedi ba Jerusalema (8)
-
Kgoši (9-11)
-
“Re tla go direla dikgabiši tša gauta” (11)
-
-
Ngwanenyana wa Moshulami (12-14)
-
‘Moratiwa wa ka o swana le mokotla wa senkgišabose sa mira’ (13)
-
-
Modiši (15)
-
‘O yo mobotsana wena moratiwa wa ka’
-
-
Ngwanenyana wa Moshulami (16, 17)
-
‘O yo mobotsana wena moratiwa wa ka’ (16)
-
1 Kopelo e phalago tšohle ya Solomone še:
2 “Anke o nkhise, o nkhise ka molomo wa gago,Ka gobane tsela yeo o mpontšhago gore o nthata ka yona e phala beine.
3 Makhura ao o tlolago ka ona a nkga bose.
Leina la gago le etša makhura ao a nkgago bose ao a tšholotšwego.
Ke ka baka leo banenyana ba go ratago.
4 E re ke sepele le wena, a re tšhabe.
Kgoši e ntsentše ka diphapošing tša yona tša ka gare!
A re ipshine mmogo.
A re bolele ka tsela yeo o nthatago ka yona, ka gobane lerato la gago le bose go feta beine.
Ke ka baka leo banenyana ba go ratago.
5 Hee lena barwedi ba Jerusalema, nna ke mosetsana yo moswanyana,Eupša ke yo mobotsana bjalo ka ditente tša Kedara, le bjalo ka ditente tša Solomone.
6 Le se ke la mmakalela ge ke le yo moswanyana,Ka gobane ke fišitšwe ke letšatši.
Bobuti ba ka ba be ba nkgalefetše,Ba mphile mošomo wa go hlokomela dirapa tša meterebe,Eupša ka palelwa ke go hlokomela serapa sa ka sa meterebe.
7 Wena yo ke go ratago kudu,Mpotše gore o dišetša kae mohlape wa gagoLe gore mohlape wa gago o robala kae mosegare.
Go re’ng ke swanetše go sepela gare ga mohlape wa bagwera ba gagoBjalo ka mosadi yo a ipipilego sefahlego ka lešela?”*
8 “Wena mosadi yo mobotse go phala basadi ba bangwe, ge e ba o sa go tsebe,Latela mehlala ya mohlapeGomme o fudiše diputšanyana tša gago kgauswi le ditente tša badiši.”
9 “Wena moratiwa wa ka, o botsana go swana le pere e tshadi yeo e lego gare ga dikoloi tša ntwa tša Farao.
10 Marama a gago ke a mabotsana ge o apere mangina,Molala wa gago ke wo mobotsana ge o apere dipheta.*
11 Re tla go direla dikgabiši tša gautaLe silifera.”
12 “E tla re ge kgoši e dutše tafoleng ya yona ya nkgokoloGwa kwala monkgo o mobosana wa senkgišabose sa ka.
13 Moratiwa wa ka o ntshwanela le mokotla wa senkgišabose sa mira,Bošego o tla robala sehubeng sa ka.
14 Moratiwa wa ka o ntshwanela le mapolomo a mohenna,Ao a lego gare ga dirapa tša meterebe ya Enegedi.”
15 “Bona gore o yo mobotsana bjang wena moratiwa wa ka!
Bona gore o yo mobotsana bjang! Mahlo a gago a swana le a maeba.”
16 “Bona gore o yo mobotsana bjang wena moratiwa wa ka, e bile o a ratega!
Bjang bjo botala ke mpete wa rena.
17 Dikota tša ntlo ya rena ke tša metsedara,Dikota tša rena tša go rulela tšona ke tša mehlare ya mejunipere.
Mengwalo ya tlase
^ Lešela la go pipa sefahlego go bontšha gore motho o nyamile.
^ Goba mohlomongwe, “gare ga meriri ya gago e logilwego.”
