Sefela sa Difela 2:1-17
-
Ngwanenyana wa Moshulami (1)
-
“Ke no ba letšobana la safrona”
-
-
Modiši (2)
-
‘Moratiwa wa ka o swana le lepolomo la lili’
-
-
Ngwanenyana wa Moshulami (3-14)
-
Bobuti’a ngwanenyana wa Moshulami (15)
-
“Re swareleng diphukubje”
-
-
Ngwanenyana wa Moshulami (16, 17)
-
“Moratiwa wa ka ke wa ka ke nnoši, le nna ke wa gagwe” (16)
-
2 “Ke no ba letšobana la safrona la molaleng,Ke lepolomo la lili la meeding.”
2 “Moratiwa wa ka ge a le gare ga banenyana ba bangweO swana le lepolomo la lili leo le lego gare ga ditshehlo.”
3 “Moratiwa wa ka ge a le gare ga masoganaO swana le mohlare wa moapola gare ga mehlare ya sethokgweng.
Ke duma go dula moriting wa gagwe.Le gona go dula le moratiwa wa ka go swana le go ja seenywa se sebose.
4 Yena o ntlišitše ka ntlong ya monyanya,*Gomme bohle ba be ba bona gore o a nthata.
5 Mphe diterebe tšeo di omišitšwego le diapolaGore ke lapologe gomme ke be le matla.Ka gobane ke lwatšwa ke lerato.
6 Seatla sa gagwe sa le letshadi se nthekgile hlogo,Gomme seatla sa gagwe sa le letona se nkgokaretše.
7 Lena barwedi ba Jerusalema, ke le eniša ka diphala tše ditshadiLe ka dikgama tše ditshadi tša nageng,
Gore le se ke la tsoša goba go phafoša lerato la ka go fihlela le itlela.
8 “Ke kwa moratiwa wa ka a etla!
Bonang! Šoo o a tla,O namela dithaba, o tabogataboga mebotong.
9 Moratiwa wa ka o swana le phala le kgama e tona e nnyane.
Ke yola, o eme ka morago ga leboto la rena.O hlodimetše ka mafasetere,O hlodimetše ka mašobana a mafasetere.
10 Moratiwa wa ka o re:
‘Etla wena moratiwa wa ka,Wena mmasebotsana wa ka, e tla re sepele.
11 Bona, marega a fetile,*
Dipula di fetile.
12 Mapolomo a thuntše nageng,Nako ya go thenela mehlare e fihlile,Gomme go kwagala modumo wa leeba la nageng mo ga gabo rena.
13 Mogo o budušitše mago a wona a mathomo,Mehlare ya meterebe e thuntše mapolomo e bile e nkga bose
Wena moratiwa wa ka, emelela o tle,
Wena mmasebotsana wa ka, etla re sepele.
14 Wena leebana la ka leo le ikutilego ka leweng,Leo le ikutilego motheogeng wa thaba,E re ke go bone gomme ke kwe lentšu la gago,Ka gobane lentšu la gago le bosana e bile o yo mobotsana.’”
15 “Re swareleng diphukubje,Diphukubje tše dinyenyane tšeo di senyago dirapa tša meterebe,Ka gobane dirapa tša rena tša meterebe di thuntše mapolomo.”
16 “Moratiwa wa ka ke wa ka ke nnoši, le nna ke wa gagwe.
O diša gare ga mapolomo a dilili.
17 Boa ka pela wena moratiwa wa ka go swana le phala le go swana le kgama e tona e nyenyane,Tšeo di lego mo go aroganago dithaba,*Pele ga ge phefo e ka foka, le pele ga ge meriti e ka nyamelela.
Mengwalo ya tlase
^ Phetolelo ya lentšu ka lentšu e re, “ntlong ya beine.”
^ Phetolelo ya lentšu ka lentšu e re, “sehla sa dipula se fetile.”
^ Goba mohlomongwe, “diphagong tša dithaba.”
