Sefela sa Difela 8:1-14
-
Ngwanenyana wa Moshulami (1-4)
-
“Ge nkabe o le buti’aka” (1)
-
-
Bobuti’a ngwanenyana wa Moshulami (5a)
-
‘Ke mang yo a ithekgilego ka moratiwa wa gagwe?’
-
-
Ngwanenyana wa Moshulami (5b-7)
-
“Lerato ke le matla bjalo ka lehu” (6)
-
-
Bobuti’a ngwanenyana wa Moshulami (8, 9)
-
“Ge nkabe e le leboto, . . . eupša ge nkabe e le mojako, . . . ” (9)
-
-
Ngwanenyana wa Moshulami (10-12)
-
“Ke nna leboto” (10)
-
-
Modiši (13)
-
‘Anke ke kwe lentšu la gago’
-
-
Ngwanenyana wa Moshulami (14)
-
“Kitima ka lebelo go swana le phala”
-
8 “Ge nkabe o le buti’akaYo a antšego letswele la mma!
Ke be ke tla re ge ke go hwetša ka ntle ka go khisaGomme batho ba be ba ka se ntshole.
2 Ke be ke tla go eta peleKa go iša ntlong ya mmaYo a nthutilego dilo tše dintšhi.
Ke be ke tla go nea beine e tswakilwego,Le seno sa digarenate seo se sa tšwago go dirwa.
3 Seatla sa gagwe sa le letshadi se tla ba se nthekgile hlogo,Gomme seatla sa gagwe sa le letona se tla ba se nkgokaretše.
4 “Lena barwedi ba Jerusalema, ke le eniša gore:
Le se ke la tsoša goba la phafoša lerato la ka go ba go fihlela le itlela.”
5 “Ke mang mosadi yo yoo a rotogago a etšwa lešokeng,Yo a ithekgilego ka moratiwa wa gagwe?”
“Ke go tsošitše o le ka tlase ga moapola.
Gona moo mmago a bego a šokwa a le gona.
Ke gona moo yo a go belegego a ilego a šokwa gona.
6 “Mpee pelong ya gago bjalo ka pheta yeo e lego molaleng wa gago,Le bjalo ka palamonwana yeo e lego letsogong la gago.Gobane lerato ke le matla bjalo ka lehuE bile le dira gore o kgomarele motho yo o mo ratago bjalo ka Lebitla* ge le kgomarela bao ba lego ka go lona.
Lerato le swana le kgabo ya mollo o tukago, kgabo ya Jah.*
7 Meetse a mantšhi a ka se kgone go tima lerato,Dinoka le tšona ga di kgone go le gogola.
Ge e ba motho a ka nyaka go reka lerato ka dilo tša gagwe ka moka tše bohlokwa tša ntlong ya gagwe,Ruri batho ba tla di nyatša.”*
8 “Re na le moratho wa ngwanenyana,Yo a sa tšwago a thoka matswele.
Re tla mo direla’ngMohlang ba nyaka go mo nyala?”
9 “Ge nkabe e le lebotoRe be re tla mo direla tora ya silifera,Eupša ge nkabe e le mojako,Re be re tla mo thiba ka lepolanka la motsedara.”
10 “Ke nna leboto,Gomme matswele a ka a swana le ditora.
Ka gona ge moratiwa wa ka a ntebelelaO mpona ke na le khutšo.
11 Solomone o be a na le serapa sa meterebe kua Baali-hamoni,
Gomme o ile a se nea batho gore ba se hlokomele.
Ge serapa seo se e ba le dienywa, yo mongwe le yo mongwe o be a tliša dišekele tša silifera tše 1 000 (sekete).
12 Dišekele tša silifera tše 1 000 (sekete) ke tša gago Solomone
Gomme tše 200 (makgolo a mabedi) ke tša bao ba hlokomelago serapa,Eupša nna ke nyaka go itlhokomelela serapa sa ka.”
13 “Wena yo a dulago dirapeng,Bagwera ba ka ba nyaka go kwa lentšu la gago.
Anke le nna ke le kwe.”
14 “Phakiša moratiwa wa ka,Kitima ka lebelo go swana le phalaGoba kgama e nyenyaneYeo e lego dithabeng tša mehlašana yeo e nkgago bose.”
Mengwalo ya tlase
^ Bona Tlhaloso ya Mantšu.
^ “Jah” ke tsela e kopana ya go bitša leina Jehofa.
^ Goba mohlomongwe, “ba tla mo nyatša.”
