Tsefanya 1:1-18
1 Mehleng ya Josia morwa wa Amone kgoši ya Juda, Jehofa o ile a bolela le Tsefanya* morwa wa Kushi, morwa wa Gedalia, morwa wa Amaria, morwa wa Hesekia a re:
2 “Ke tla fediša dilo ka moka tšeo di lego lefaseng,” o realo Jehofa.
3 “Ke tla fediša batho le dibata.
Ke tla fediša dinonyana le dihlapi,Le dilo ka moka tšeo di dirišago batho sebe* gotee le batho ba babe,Le gona ke tla fediša batho lefaseng,” o realo Jehofa.
4 “Ke tla otla JudaLe badudi ka moka ba Jerusalema.Ke tla fediša dilo ka moka tša Baali tšeo di šetšego lefelong le.Ka fediša le baperisita ka moka bao ba hlankelago medimo ya maaka gotee le baperisita ba bangwe,
5 Le bao ba khunamelago dinaledi tšeo di lego legodimong* ba le ka godimo ga dintlo tša bona,Le bao ba khunamelago Jehofa gomme ba mo tshepiša gore ba tla mo hlankelaMola ba dira se se swanago le go Malikamo,
6 Le bao ba hlanogelago JehofaGotee le bao ba sa tsomego Jehofa goba go kgopela tlhahlo ya gagwe.”
7 Ikhomoleleng pele ga Mmuši Morena Jehofa, ka gobane letšatši la Jehofa le kgauswi.
Jehofa o lokišitše sehlabelo e bile o kgethagaditše batho bao a ba memilego.
8 “Letšatšing leo nna Jehofa ke dirago sehlabelo ke tla otla baetapele,Barwa ba dikgoši le batho ka moka bao ba aperego diaparo tšeo di tšwago dinageng tše dingwe.
9 Letšatšing leo, ke tla otla batho ka moka bao ba batamelago sethala,*E lego bao ba tlatšago ntlo ya mong wa bona ka bošoro le bofora.”
10 Jehofa o re: “Letšatšing leoGo tla kwala mokgoši Keiting ya Dihlapi,Go tla kwala sello Karolong e Mpsha ya motse,Le modumo o mogolo wo o tšwago mebotong.
11 Llang gabohloko lena badudi ba Makateshe,Ka gobane batho ka moka bao ba rekišago ba fedišitšwe,Batho ka moka bao ba kalago silifera ba fedišitšwe.
12 Ka nako yeo ke tla putuka Jerusalema ke swere mabone,Le gona ke tla otla batho bao ba iketlilego, bao dipelong tša bona ba rego,‘Jehofa a ka se dire dilo tše dibotse e bile a ka se dire dilo tše mpe.’
13 Mahumo a bona a tla thopša gomme dintlo tša bona tša senywa.
Ba tla aga dintlo, eupša ba ka se dule go tšona.Ba tla bjala meterebe eupša ba ka se nwe beine ya yona.
14 Letšatši le legolo la Jehofa le kgauswi!
Le kgauswi kudu e bile le tla ka lebelo!
Letšatši la Jehofa le tlo tšhoša kudu.
Gona moo, mašole ao a tsebago ntwa a tlo goeletša gabohloko.
15 Letšatši leo e tla ba e le letšatši la kgalefo,Letšatši la tlalelo le la go fegelwa,Letšatši la ledimo le la masetlapelo,Letšatši la leswiswi le lesoleso,Letšatši la maru le leswiswi le legolo,
16 Letšatšing leo batho ba tla bego ba letša naka e bile ba hlabile mokgoši o mogolo wa ntwa,Gore ba yo hlasela metse yeo e šireleditšwego le ditora tšeo di lego dikhoneng tša maboto.
17 Ke tla bakela batho tlaleloGomme ba tla sepela bjalo ka batho bao ba sa bonego,Ka gobane ba diretše Jehofa sebe.
Madi a bona a tla tšhollwa bjalo ka lerole,Gomme mala* a bona a tšhollwa bjalo ka maloko.
18 Letšatšing la ge Jehofa a tla be a galefile, silifera ya bona le gauta ya bona di ka se kgone go ba phološa.Kgalefo ya gagwe e swana le mollo woo o tšhumago lefase ka moka,Ka gobane o tla bolaya batho ka moka ba lefaseng ga sehlogo.”
Mengwalo ya tlase
^ Leina le le ra gore “Yo Jehofa a mo Utilego.”
^ Goba “dilo tšeo di dirago gore batho ba kgopše.”
^ Phetolelo ya lentšu ka lentšu e re, “dilo tšeo di lego magodimong.” Dilo tšeo di šupa go letšatši, ngwedi le dinaledi.
^ Go ka direga gore go bolelwa ka setulo sa bogoši sa kgoši.
^ Goba, “nama.”
