Batho ba bantšhi ba nagana gore mathata ao a tlago go ba gona mo lefaseng ka 2024 a ka se rarollege. Eupša re ka kgona go hwetša kholofelo ka bokamoso. Re ka e hwetša kae?

 Beibele e tshepiša gore Modimo o tlo fediša mathata ao a dirago gore bophelo bo be boima. E se kgale Modimo “o tla phumola megokgo ka moka mahlong a [rena] gomme lehu le ka se hlwe le sa ba gona, le ge e le manyami goba sello goba bohloko di ka se hlwe di sa ba gona.”​—Kutollo 21:4.

•   Gore o ithute ka seo Beibele e se tshepišago ka bokamoso, bala sehlogo seo se rego “A Real Hope for a Better Tomorrow.”

 Beibele e go nea kholofelo ka bokamoso gomme seo se ka dira gore o se ipone o se na mohola le gore o kgone go lebelela dilo gabotse. (Baroma 15:13) Keletšo ya Beibele e šomago e ka go thuša gore o kgone go lebeletšana le mathata ao o nago le ona gona bjale a bjalo ka bodiidi, go hloka toka le go babja.

•   Ekwa kamoo kholofelo yeo go bolelwago ka yona ka Beibeleng e ilego ya thuša monna yo mongwe gore a be le khutšo le go dula a thabile le ge a gotše a diila. Bogela bidio yeo e rego Juan Pablo Zermeño: Jehofa o Nthušitše Gore ke be Motho yo Mokaone.

•   Bona kamoo Beibele e ka go thušago ka gona ge o ikwa o le molato, o nyamile, o tshwenyega le ge motho yo o mo ratago a hlokofetše. Bala sehlogo seo se rego “Can I Find Words of Comfort in the Bible?”

•   Ekwa kamoo motho yo e bego e le lešole yo a itlhalosago e le “motho yo a bego a se na kwelobohloko” a ilego a fetola bophelo bja gagwe ka morago ga gore a ithute Beibele. Bogela bidio yeo e rego Ke Ile ka Bea Marumo Fase.

 Dira gore wena le lapa la gago le thabele ngwaga wa 2024. Ithute kamoo Beibele e ka go thušago ka gona. Re go laletša gore o leke thuto ya rena ya mahala ya Beibele. Ithute kamoo Modimo a ka go neago “menagano ya khutšo” gona bjale gotee le “bokamoso le kholofelo.”​—Jeremia 29:11.