Batho ba nyaka babuši bao ba ka ba tshepago, ba lapišitšwe ke boradipolitiki ba go se botege. Nyakišišong yeo e dirilwego dikarolong tše di fapafapanego lefaseng ka moka yeo e lokolotšwego ka 2023, batho ba bantšhi ba boletše gore sehlopha sa batho seo ba sa se tshepego go feta dihlopha ka moka tša batho, ke sa baetapele ba mebušo. a

 Beibele e bolela ka mmušo woo Moetapele wa wona a botegago e bile a se na bosodi. Mmušo woo ke Mmušo wa Modimo, gomme Moetapele wa wona ke Jesu Kriste.—Jesaya 9:7.

 Jesu o itlhatsetše ka mo go sa belaetšego gore o kwela batho bohloko. (Mateo 9:35, 36) Ka ge e le Kgoši ya Mmušo wa Modimo, o tla tlišetša bohle bao ba amogelago boetapele bja gagwe, toka le khutšo.—Psalme 72:12-14.