DULANG LE PHAKGAME!
Dintwa tša Dipolotiki—Beibele e Reng?
Dintwa tša dipolotiki di a oketšega lefaseng ka moka gomme di dira gore batho ba tšhoge.
Kua Mexico go bolailwe batho ba dipolotiki ba 39 e lego palo ya godimo kudu, ebile go bile le dintwa tše dingwe gape tšeo di bakwago ke dipolotiki. Dilo tšeo ka moka di ile tša tšhoša batho le go ba šitiša go tšea karolo dikgethong tša 2023-2024.
Kua Europe go sa tšwa go ba le dintwa tše dintšhinyana tšeo di bakilwego ke dipolotiki, ebile ka di 15 tša May 2024 ba nyakile go bolaya tonakgolo ya kua Slovakia.
Ka di 13 tša July 2024 kua United States, mopresitente wa malobanyana Donald Trump ba nyakile go mmolaya.
Ke ka baka la eng go tletše dintwa tša dipolotiki? Na ditla feela? Beibele e reng?
Go boletšwe e sa le pele gore batho ba ka se sa kwana ka baka la dipolotiki
Beibele e boletše e sa le pele gore nakong ya rena e le go “mehleng ya bofelo,” batho ba tlo hloka mekgwa le go rata dintwa.
“Mehleng ya bofelo go tla ba le dinako tše di hlobaetšago tšeo go lego thata go lebeletšana le tšona. Gobane batho e tla ba. . . ba go se leboge, ba go se botege, . . . ba ba sa ikemišetšago go amogela tumelelano le ge e le efe, . . . ba bogale, . . . baeki, ba hlogothata, ba tletšego boikgantšho.”—2 Timotheo 3:1-4.
Beibele e boletše e sa le pele gore ge nako yeo e fihla re tlo bona ka batho ba dipolotiki ba elwa ebile ba sa kwane. (Luka 21:9) Eupša dilo tšeo di ka se be gona go ya go ile.
Dintwa tša dipolotiki di tlo fela
Beibele e hlalosa gore Modimo o tlo fediša mebušo ka moka ya batho gomme gwa buša wa gagwe woo o lego legodimong.
“Modimo wa legodimo o tla hloma mmušo wo. . . o tla [pšhatlaganyago] mebušo ye ka moka wa e fediša gomme wona o tla ema go iša mehleng ya neng le neng.”—Daniele 2:44.
Mmušo wa Modimo o tlo dira gore batho ba be le khutšo le botee lefaseng ka moka.
Kgoši ya Mmušo woo, e le go Jesu kriste “Kgošana ya Khutšo,” o tlo kgonthišetša gore go dula go na le khutšo.—Jesaya 9:6, 7.
Le gona bjale bao ba le go ka tlase ga mmušo woo ba ithuta go phela ka khutšo. Ke ka baka leo Beibele e rego: “Batho ba tla rula ditšhoša tša bona ba di dira megoma gomme marumo a bona ba a dira disekela. Setšhaba se ka se emišetše se sengwe tšhoša, ebile di ka se sa hlwa di ithuta ntwa.”—Jesaya 2:3, 4.
Go ithuta ka mo go oketšegilego, bala sehlogo seo se rego“Mmušo wa Modimo o tla Phetha Eng?” o bogele le bidio yeo e rego Mmušo wa Modimo ke Eng?
You May Also Like
MOROKAMI
Mmušo wa Modimo o tlo re Direla Eng?
Jesu o be a tseba gore Mmušo wa Modimo ke wona feela wo o ka rarollago mathata ka moka mo lefaseng. Mmušo woo o šetše o dirile eng gore re o tshepe?
DULANG LE PHAKGAME!
Batho ga ba sa Tshepa Boradipolotiki—Beibele e Re’ng?
Beibele e re eletša gore re hlokomele gore re tshepa bomang e bile e re botša ka tharollo e nnoši ya mathata a rena, yeo e tla dirago gore re be le bokamoso bjo bobotse.
DULANG LE PHAKGAME!
Ke ka Baka La’ng Dipolotiki di Aroganya Batho Gakaakaa?—Beibele e Re’ng?
Karogano yeo e bakwago ke dipolotiki e gola le go feta lefaseng ka moka. Beibele e bolela ka tharollo—moetapele yo a ka kgonago go kopanya batho ka moka.
LESOLO LE LE KGETHEGILEGO
Leka Thuto ya Rena ya Beibele
Ithute Beibele mahala o thušwa ke motho yo mongwe.
