Go na le bobe bo bontšhi bjo bo dirwago ke dihlopha tša bosenyi kua Haiti. Bosenyi bo tlaiša batho kudu Afrika Borwa, Mexico le dinageng tše dingwe tša Latin America. Le mafelong ao bosenyi bo fokotšegilego, batho ba sa dutše ba ikwa ba sa šireletšega ge ba ekwa ka dipego tša go senywa ga dithoto, bohodu le go fišwa ga meago.

 Beibele e reng ka bobe bjo bo diregago lefaseng ka moka?

 Beibele e boletše e sa le pele gore bobe ke leswao le lengwe la go bontšha gore “bofelo bja tshepedišo ya dilo” bo kgauswi. (Mateo 24:3) Ge Jesu Kriste a hlalosa ditiragalo tšeo di bontšhago gore bofelo bo kgauswi o itše:

•   “ka baka la go oketšega ga go hloka molao, lerato la ba bantši le tla fola.”—Mateo 24:12.

 Le gona Beibele e boletše e sa le pele gore “mehleng ya bofelo” batho e tla ba “ba se nago boitshwaro, ba bogale, ba go se rate go loka.” (2 Timotheo 3:1-5) Mekgwa ye ke yona e dirago gore go feleletše go e ba le bobe bjo re bo bonago lehono.

 Eupša ga re felelwe ke kholofelo. Beibele e tshepiša gore bobe bo tlo fela e se kgale.

•   “E se kgale batho ba babe ba tla be ba se gona, o tla lebelela moo ba bego ba dula gona, gomme ba tla be ba se gona. Eupša ba boleta e tla ba beng ba lefase, gomme ba tla thaba kudu ka baka la khutšo yeo e sa lekanywego le selo.”—Psalme 37:10, 11.

 Ithute ka mo go oketšegilego ka kholofelo yeo Beibele e bolelago ka yona gomme o ithute le gore ke ka baka la eng o ka kgodišega gore ditiragalo tšeo o di bonago lehono di phethagatša boporofeta bja Beibele. Bala dihlogo tše di latelago.

 “A Real Hope for a Better Tomorrow”

 “Ke Dilo Dife Tšeo di Bontšhago Gore re Phela “Mehleng ya Bofelo,” Goba ‘Nakong ya Bofelo’?”

 “Did the Bible Predict the Way People Think and Act Today?”