•   Puku ya Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, ya 2023 e boletše gore: “Go bonagala batho ba bantšhi kua U.S.A ba lewa ke bodutu, kudukudu baswa ba mengwaga ya magareng ga 18 le 25.”

•   Ka di 15 tša November 2023, mokgatlo wa World Health Organization o tsebišitše gore: “Go kgethilwe sehlopha sa batho bao mošomo wa bona e lego go nyakišiša ka dilo tšeo di ka thušago batho gore ba se ke ba lewa ke bodutu, go kgothaletša batho gore ba gwerane le bangwe le go hwetša ditsela tše kaone tša go lebeletšana le go lewa ke bodutu dinageng ka moka go sa šetšwe gore ba humile goba ba a diila.”

 Beibele e re nea keletšo ya dilo tšeo re ka di dirago gore re gwerane le batho ba bangwe le gore re se ke ra lewa ke bodutu.

 Phema go dira dilo tšeo di ka dirago gore o se gwerane le batho. Dilo tšeo di akaretša go diriša Social Media ka mo go feteletšego. Leka go hwetša dibaka tša go dula le batho ba bangwe e bile o dire bagwera ba nnete.

•   Molao wa motheo wa Beibele: “Mogwera wa nnete o dula a bontšha lerato ka dinako ka moka, e bile o swana le ngwaneno yo o ka ithekgago ka yena mohlang o tlaletšwe.”​—Diema 17:17.

 Leka go thuša batho ba bangwe. Go thuša batho ba bangwe ga go no tiiša segwera sa gago le bona eupša go dira le gore o ikwe o thabile.

•   Molao wa motheo wa Beibele: “Go na le lethabo le legolo go neeng go feta go amogeleng.”​—Ditiro 20:35.

 Hle tsena wepesaeteng ya rena gore o ithute ka mo go oketšegilego mabapi le go dira bagwera ba bakaone.