Nakong ya dipapadi tša Selemo tša di Olympic tša 2024, batho bao ba ka bago ba dibilione tše hlano ba tla be ba bogetše lenaneo leo. Mola bao ba tla bego ba tšea karolo ba etšwa dinageng tše 206. Mopresidente wa International Olympic Committee e lego Thomas Bach o re: ”‏Re karolo ya tiragalo yeo e dirago gore lefase ka moka le be le khutšo le botee. A re tšeeleng godimo dipapadi tša di Olympic re le mmogo ka khutšo, go sa šetšwe gore re tšwa dikarolong dife tša lefase.”

 Na di Olympic di ka dira gore go be le khutšo? Na re ka tsoga re bile le khutšo le botee?

 Di Olympic tša ngwaga wo, di be di se dipapadi feela eupša di be di akaretša dipolotiki le dilo tšeo di aroganyago batho. Dilo tšeo di akaretša ditokelo tša batho, kgethollo ya semorafo, kgethollo ya bodumedi go akaretša le go se sware batho ka go lekana.

 Dipapadi tša ditšhabatšhaba tša di Olympic di thabiša batho. Lega le bjalo, di kgothaletša mekgwa ya go se kwane ebile di dira gore go se be le khutšo le botee.

 Beibele e boletše e sa le pele ka dilo tšeo di dirago gore be thata gore batho ba be le botee. (2 Timotheo 3:1-5) Go ithuta ka moo go oketšegilego ka boporofeta bjoo, bala kgatišo ye e rego“Did the Bible Predict the Way People Think and Act Today?”

 Beibele e re botša ka kholofelo ya lefase ka moka ya khutšo le botee. E re holofetša gore batho ka moka ba tlo phela ba na le botee ge go buša “Mmušo wa Modimo”—Luka 4:43; Mateo 6:10.

 Kgoši ya Mmušo woo e le go Jesu Kriste o tla tliša khutšo lefaseng ka moka. Beibele e re:

•   “Baloki ba tla atlega, gomme khutšo e tla ba gona.”—Psalme 72:7

•   “O tla phološa modiidi yo a mo kgopelago gore a mo thuše . . . O tla ba phološa go batho bao ba ba tlaišago le bao ba ba swerego ga sehlogo.”—Psalme 72:12, 14.

 Le lehono dithuto tša Jesu di dirile gore batho ba dimilione bao ba tšwago dinageng tše 239 ba be le botee. Bjalo ka Bakriste, Dihlatse tša Jehofa di ithutile go ba le khutšo lefaseng ka moka. Go re ba ithutile seo bjang, bala Morokami wo o rego “Re ka Fenya Lehloyo.”