Ntwa yeo e lego Ukraine le phetogo ya leratadima di dira gore go be le tlhaelelo ya dijo lefaseng ka moka. Se se direga kudukudu dinageng tšeo di sa dutšego di hlabologa moo batho ba bantšhi ba thatafalelwago ke go hwetša dijo tše di lekanego.

•   “Ntwa, phetogo ya leratadima, go oketšega ga theko ya mohlagase le tše dingwe go dira gore dijo di seke tša tšweletšwa le go hwetšagala ga bonolo.”—António Guterres, mongwaledi wa Ditšhaba tše Kopanego (UN), 17 July 2023.

•   “Russia ga e sa le karolo ya tumelelano ya go hwetša dijo ka tsela e šireletšegilego go tšwa nageng ya Ukraine. Ditsebi di nagana gore taba ye e tlo dira gore go be le tlhaelelo e kgolo ya dijo lefaseng ka moka le gore dijo di tlo tura le go feta dinageng tšeo di se nago tšhelete, kudukudu dinageng tšeo di lego ka Leboa la Afrika le tšeo di lego mollwaneng wa Afrika, Asia le Yuropa.”—Atalayar.com, 23 July 2023.

 Ekwa gore Beibele e reng ka tlhaelelo ya dijo le gore bokamoso bo re swaretše eng.

•   Jesu o porofetile gore: “Setšhaba se tla tsogela setšhaba gomme mmušo wa tsogela mmušo, go tla ba le tlhaelelo ya dijo.”—Mateo 24:7.

•   Puku ya Kutollo e bolela ka banamedi ba bane ba dipere. Yo mongwe wa banamedi ba dipere tšeo o swantšhetša ntwa. O latelwa ke monamedi yo mongwe yoo a swantšhetšago tlala, e lego nako yeo dijo e tlabego e se tše dintšhi e bile di rekišwa ka theko e kgolo. “Ka bona pere e ntsho; yo a e nametšego o be a swere sekala ka seatla sa gagwe. Ka kwa . . . lentšu [le re]: ‘Khilograma ya korong ke tenariase, dikhilograma tše tharo tša garase ke tenariase.’”—Kutollo 6:5, 6. a

 Diporofeto tše tša Beibele tšeo di bolelago ka tlhaelelo ya dijo di a phethagala gona bjale, e lego nako yeo Beibele e e bitšago gore ke ‘mehla ya bofelo.’ (2 Timotheo 3:1) Go ithuta ka mo go oketšegilego ka ‘mehla ya bofelo’ le ka banamedi ba bane ba dipere bao go bolelwago ka bona go Kutollo, bogela bidio ya Ga e sa le go Tloga ka 1914 Bophelo bo Fetogile Kudu o bale le sehlogo seo se rego “Banamedi ba Bane ba Dipere—Ke Bomang?”

•   Beibele e re nea keletšo yeo e re thušago go lebeletšana le maemo a thata ao a akaretšago go namelela ka theko ya dijo goba yona tlhaelelo ya dijo. Bala tše dingwe tša dikeletšo tšeo sehlogong seo se rego “Kamoo o ka Phelago ka Tšhelete e Nyenyane.”

•   Beibele e re fa le kholofelo ya gore dilo di tlo loka. E re botša ka nako yeo “go tla [bego go na] le mabele a mantši mo lefaseng” moo yo mongwe le yo mongwe a tla bego a na le dijo tše dintšhi. (Psalme 72:16) Go ithuta ka mo go oketšegilego ka kholofetšo ya gore dilo di tlo loka nakong e tlago le gore ke ka baka la eng o ka e tshepa bala sehlogo se se rego “A Real Hope for a Better Tomorrow.”