‘E Nthušitše Gore ke Hlahlobe Bophelo Bja-ka’

SE KE seo ngwanenyana wa nywaga e 18 yo a bitšwago Maria yo a tšwago toropong ya Cherepovets a ilego a se bolela mabapi le puku ya Dipotšišo tša Bafsa le Dikarabo tše Šomago. O ile a ngwala se se latelago a ngwalela ofisi ya lekala ya Dihlatse tša Jehofa yeo e lego kgaufsi le St. Petersburg, Russia mo e ka bago dikhilomithara tše 400 go tloga Cherepovets.

“Kgatišo ye e nthušitše gore ke itlhahlobe, ke hlahlobe dipakane tša-ka le batho bao ba ntikologilego. Ke ile ka hwetša dikarabo tša dipotšišo tšeo di nkgomago kudu. Ge ke be ke dutše ke bala puku yeo, megokgo ya tebogo e ile ya theoga dithameng tša-ka.”

Maria o ile a oketša ka gore: “E ile ya ba bjalo ka ge eka seširo se be se tlošitšwe mo mahlong a-ka ao a bego a bulegile ka mo go feletšego ka lethabo. Puku ye e di phala ka moka tšeo nkilego ka di bala bophelong bja-ka. Ka ge e theilwe Beibeleng le keletšong ya Jehofa Modimo, ga go na puku yeo e ka bapišwago le yona, ke e tšwago pele.”

Ge e ba le wena o tla rata go holwa ke tsebišo yeo e lego go Dipotšišo tša Bafsa le Dikarabo tše Šomago, o ka hwetša kopi ka go tlatša le go romela setlankana seo se sepelago le sehlogo se atereseng e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Nthomeleng puku ya Dipotšišo tša Bafsa le Dikarabo tše Šomago. Bontšha gore ka leleme lefe.

□ Hle ikopanyeng le nna mabapi le thuto e sa lefelelwego ya legae ya Beibele.