“Kholofelo Ya-ka e Swanetše go ba go Modimo”

Lengwalo le latelago le ile la tlogelwa Holong ya Mmušo ya Dihlatse tša Jehofa kua Edmonton, Alberta, Canada.

“Motseta yo a Rategago:

“Ke ngwala bakeng sa go leboga motho yo mohlomongwe ka ntle le go tseba a dirilego mohlolo bophelong bja-ka.

“Dibeke tše sego kae tše di fetilego, nna le monna wa-ka re be re le ngangišanong e šoro. Ke be ke sa tšwa go bolela mantšu a rego, ‘Taba ye ke e kgolo mo e lego gore ga ke tsebe e le ka kgonthe ge e ba ke tla kgona go lebeletšana le yona ka katlego.’ Ka nako yeo go ile gwa kokotwa mojako. Bjale go be go na le yo mongwe wa Dihlatse tša Jehofa mojakong wa-ka, gomme nako e be e šetše e ile gore nka khuta.

“Ge ke bula mojako, ruri ke be ke ferekane kudu go ka kwa seo se bego se bolelwa. Ke gopola mantšu ‘bana’ le ‘lapa.’ Monna o ile a ntšha puku yeo e bitšwago Sephiri sa Lethabo la Lapa. Ge ke bona sehlogo, ke ile ka fo thoma go lla gomme ke be ke sa kgone go kgaotša. O ile a lebelela gomme a kgopela tshwarelo bakeng sa go ntšhitiša, a mpha puku, a sepela.

“Mohlolo e bile ofe? Ke segopotšo sa gore ge e ba ke sa tsebe seo ke swanetšego go se dira, gona go LOKILE ka gore Modimo o a tseba. Kholofelo ya-ka e swanetše go ba go Modimo. O bile o romela le motseta. Ke a leboga.”

Puku ya Sephiri sa Lethabo la Lapa e ka hola setho se sengwe le se sengwe sa lapa. Gare ga dikgaolo tša yona tšeo di rutago go na le tše rego, “Šireletša Lapa la Gago Ditutuetšong tše di Senyago,” “Kgomarela Khutšo ka Lapeng la Gago” le “O ka Fenya Mathata ao a Senyago Lapa.”

Bakeng sa kopi ya gago, hle tlatša le go romela setlankana seo se sepelago le sehlogo se atereseng e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo. O tla hwetša ditšhišinyo tše lebanyago tšeo di ka go thušago go rarolla mathata le go dira gore bophelo bja lapa bo be lethabo leo Mmopi a ilego a nyaka gore e be lona.

□ Nthomeleng kopi ya puku ya Sephiri sa Lethabo la Lapa.

Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele.