Kamoo o ka Thabelago Bophelo bjo bo Thabišago bja Lapa

GRACIELA yo a tšwago Argentina, Amerika Borwa o ngwala gore: “Ke be ke dutše ke bala dimakasine tša Morokami le Phafoga! lebaka la nywaga e 40. Lehono, ka morago ga nywaga e mentši gakaakaa, nka bolela e le ruri gore di ile tša swanela dinyakwa tša-ka. Di nthušitše bjaneng bja-ka, nywageng ya mahlalagading, lefereyong le lenyalong gotee le go godišeng bana ba-ka ba selelago.

“Dimakasine di thuša nna le monna wa-ka mabapi le go godiša bana ba rena ba bane bao ba sa lego ka gae. Ke diriša dimakasine ka mo go holago bakeng sa go bolela le bana ba-ka le barutiši ba bona sekolong. Ke ile ka bala ka go lebanya go tšwa go Phafoga! ge ke boledišana le dingaka mabapi le mathata a tša maphelo. Ka thušo ya lelokelelo la dihlogo tše di lego ka go Phafoga! ya March 8, 1997 tše di bolelago ka bana ba go se kgone go ithuta, re ile ra lemoga gore yo mongwe wa barwedi ba rena o na le bothata bja go ithuta.”

Dikgatišo tša Mokgatlo wa Watch Tower di ka thuša malapa go lebeletšana ka katlego le mathata a mantši ao a lebanago le wona le go thabela bophelo bjo bo thabišago a le gotee. Ka mohlala, puku ya matlakala a 192 ya Sephiri sa Lethabo la Lapa e ka hola banna, basadi, batswadi, bana, bo-rakgolo le bo-makgolo—ee, setho se sengwe le se sengwe sa lapa. Gare ga dikgaolo tša yona tše rutago go na le tše latelago: “Tlwaetša Ngwana wa Gago go Tloga Boseeng,” “Thuša Ngwana wa Gago yo a Lego Mahlalagading go Atlega,” “Šireletša Lapa la Gago Ditutuetšong tše di Senyago,” le “O ka Fenya Mathata ao a Senyago Lapa.”

Bakeng sa kopi ya gago, hle tlatša le go romela setlankana seo se sepelago le sehlogo se o diriša aterese e bontšhitšwego setlankaneng goba aterese e swanetšego e lokeleditšwego go letlakala 5 la makasine wo. O tla hwetša ditšhišinyo tše lebanyago tšeo di ka go thušago go rarolla mathata le go dira gore bophelo bja lapa bo thabiše ka mo Mmopi a bego a rerile gore bo be ka gona.

□ Nthomeleng kopi ya puku ya Sephiri sa Lethabo la Lapa.

Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele.

[Seswantšho go letlakala 32]

Graciela le lapa la gagwe