“Ke Rata Tsela Yeo e Hlalosago Ditaba ka Yona”

Ke seo mothuši wa mofsa wa taolo ya tša kgwebo wa go tšwa Yucatán, Mexico, a boletšego ka sona mabapi le tsela yeo makasine wa Phafoga! o hlalosago ditaba ka yona. O ile a hlalosa ka lengwalong gore o tsebišitšwe Phafoga! ke mošomi-gotee le yena wa Hlatse femeng ya go bapatša tša phemelo moo ba šomago gona ka bobedi.

O ile a bolela mabapi le Phafoga! gore: “Ke mothopo wa kgonthe wa tsebišo le therešo. Ke rata tsela yeo e hlalosago ditaba ka yona, ka ge e sa sekamele kgethong le ge e le efe ya tša bopolitiki e bile ga e tšee batho ba bangwe e le ba bohlokwa go feta ba bangwe. Ke hweditše ditharollo mathateng ka go bala makasine wo. Ye ke kgatišo e kgahlišago, e leka-lekanego gabotse, yeo e lego nakong le e matlafatšago. Ke le romela ditebogo tša-ka tše di tšwago pelong!”

Nywageng e fetilego Phafoga! e ile ya ahla-ahla tlhohlo ya go lebeletšana le lehu la moratiwa. Tsebišo yeo ka morago e ile ya gatišwa gape le go tšweletšwa poroutšheng yeo e nago le sehlogo se se rego Ge Motho yo o mo Ratago a E-hwa. Mohlomongwe wena goba motho yo mongwe yo o mo tsebago le ka homotšwa ke go bala poroutšha ye ya matlakala a 32. O ka kgopela kopi ka go tlatša le go romela setlankana se se sepelago le makasine wo atereseng e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Nthomeleng kopi ya poroutšha ya Ge Motho yo o mo Ratago a E-hwa.

Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele․