Lebaka Leo ka Lona go Nago le Bothata bja Boitshwaro

KA October e fetilego mongwadi wa kua Loja, Ecuador, o ile a bontšha tebogo bakeng sa bodiredi bja Dihlatse tša Jehofa. Gare ga dilo tše dingwe o ile a re:

“Bjo bongwe bja malwetši a šoro ao a tlaišago batho ke bothata bja boitshwaro . . . Go bonagala eka batho ba lebetše go phethagatša Melao e Lesome e bile ba hlokomologile letswalo la bona, tšeo ka moka e lego dilo tše di thibelago kwešišano magareng ga batho. Kae le kae le letšatši le letšatši, re kwa ka lehloyo, bošoro, bosenyi, kgwebo ya dihlare-tagi, botšhošetši le go hloka tlhompho bakeng sa seriti sa batho. . . . 

“Dihlatse tša Jehofa, ka ntle le go tsoša kgang, di dira modiro wa tšona ka tsela ya khutšo le ka boiketlo, di etela baagišani ba tšona di tsena ka ntlo le ntlo, di sepediša dimakasine tša tšona tše dibotse tše pedi, Morokami le Phafoga!, tšeo go tšona go gatišwago dihlogo tše di kgahlišago kudu. Phafoga! ka mo go kgethegilego e akaretša ditaba tše di fapa-fapanego tše di kgahlišago tša thuta-mahlale e sa ganetšegego le dikarolo tša setlogo. Tše ka moka di ngwadilwe gabotse ka mo go kwagalago le ka mo go nepagetšego.”

Lehono bothata bja boitshwaro bo molaleng, eupša bjalo ka ge go boletšwe go letlakala 4 la makasine wo karolong e rego “Lebaka Leo ka Lona Phafoga! e Gatišwago,” Phafoga! “e fatišiša ka mo go tseneletšego gomme ya šupa seo se tlogago se bolelwa ke ditiragalo tša gona bjale.” Poroutšha ya Na Modimo Ruri o na le Taba le Rena? e dumela tlaišego yeo batho ba e kgotleletšego, eupša e dira se se oketšegilego. E bontšha lebaka leo ka lona bothata bja boitshwaro le ditla-morago tša bjona tše šoro di lego gona. Sa bohlokwa kudu, e utolla kamoo kimologo e tla bonwago ka gona kapejana.

O ka kgopela kopi ya poroutšha ye ya matlakala a 32 yeo e homotšago ka go tlatša le go romela setlankana seo se sepelago le sehlogo se atereseng e bontšhitšwego setlankaneng goba atereseng e swanetšego e lokeleditšwego go letlakala 5 la makasine wo.

□ Hle nthomeleng kopi ya poroutšha ya Na Modimo Ruri o na le Taba le Rena?

Bontšha gore ka leleme lefe

□ Hle ikopanyeng le nna mabapi le thuto e sa lefelelwego ya legae ya Beibele.